زبانحال حضرت زینب س با سیدالشهداء ع شاعر:#بهمن جعفری زینجناب با سبک : #دلنشین و اشک آور #این شعر به درخواست: مداح با صفای اهل بیت ع حاج صابر شمس نوشته شده است . 🌓🔳🌓🔳🌓🔳🌓🔳 گل زینبون قارداش ــ گلیبدی نوایه ، دوشوبدور بلایه ، ئوزون گل هرایه جان اوسته دور زینب ـــ گَه باخ آه و وایه ، گمان یوخ دوایه ، ئوزون گل هرایه بو غربتده هر آن ، آغلارام تز گل بو صون نفس سینه ، داغلارام تز گل (حسین تز گل ، حسین تز گل ) رخت عزانی سویمارام ـــ یارالی حسین ، یارالی حسین ئولَمدَه سندن دویمارام ـــ یارالی حسین ، یارالی حسین یوبانما گل ، یوبانما گل حسین جانم ، حسین جانم 🌓🔳🌓🔳🌓🔳🌓🔳 غربت وطندَه گل ـــ منه آغلین یوخ ، سینه داغلین یوخ ، عزا ساخلین یوخ غم دیدَه زینبون ــــ بو غربتده هش کیم ، گوزین باغلین یوخ ، عزا ساخلین یوخ بو غربتده غریب ، تَکجَه قالارام بو قانلی کوینَکدَن ، عطرون آلارام (حسین تز گل ، حسین تز گل ) اجل یتیب دوداقیمه ، آخار گوزیاشیم ، آخار گوزیاشیم واریم امید سراغیمه ، گلر قارداشیم ، گلر قارداشیم (یقین منیم فراقیمه ، یانار قارداشیم ، یانار قارداشیم) یوبانما گل ، یوبانما گل حسین جانم ، حسین جانم 🌓🔳🌓🔳🌓🔳🌓🔳 ای شاه عالمِیین ــــ منیم پادشاهیم ، منیم تکیه گاهیم ، یارالی حسینیم وار سنله اُلفَتیم ــــ منیم سوز و آهیم ، منیم ای پناهیم ، یارالی حسینیم سوسوز لبلرووَه ، زینبون قربان دیلسیز اصغرووَه ، زینبون قربان (حسین تز گل ، حسین تز گل ) اورکده قالدی بیر سوزوم ــــ یارالی حسین ، یارالی حسین کرببلاده وار گوزوم ــــ یارالی حسین ، یارالی حسین یوبانما گل ، یوبانما گل حسین جانم ، حسین جانم 🌓🔳🌓🔳🌓🔳🌓🔳 #سینه زنی #حرم #زینبیه #کربلا ✍ شعر از: #بهمن جعفری زینجناب