🌷جلالت حضرت زینب(س)🌷 طریق عشقیده یکتادی زینب مقام صبریده دریادی  زینب وجودی عالمه اولدی نمایان وئروب خالق اَمینِ وَحیَه فرمان رسول اَمجَده گئت ایلَه اعلان بو طفله آد قویوب خَلّاق مَنّان آدی آدلاردا چوخ زیبادی زینب وئروبدور شیرزن پستانی شیری بِجردوب بیشهء  قرآنه  شیری صِراط المُستقیم اولدی مسیری گورونمَز دَهریده بیرده نظیری نمای  دیگر  زهرادی  زینب بو زینبدور عَلینون یادگاری حَریم عصمتون شَان و وقاری وئرر  اَیّوبه درسِ  پایداری حسینون اَرتشینده افتخاری نَه زینب ،زینبِ کبرادی زینب عَلیدن ئورگنوب درس بلاغَت کلامی آتشین و با فَصاحت علمدارین یرینده پُرصَلابت عَلم آلدی اَله  یوم اِسارت اَباالفضله بَلی همتادی زینب بساطِ هیئته عالمده بانی اولوبدور قَلعهء حق پاسبانی دمشقون در حقیقت حُکمرانی دیوم قوی کربلانون  قهرمانی مقام اَعظم و عُظمادی زینب کلامینده اونون موسی عَصاسی دَم عیسادَن اَفضلدور دعاسی خلیل اللّهیدَن باشدور مِناسی اولار نوح نَبی نوحه سراسی مُراد  مریم و سارادی زینب مُداوم ذکری مقصودی حَق وهو حسن سیرت حسین صولت علی خو عِفافینده اولوب نِسوانه  اُلگو فقط مهدی بیلَر کیمدور بو بانو انیس محفل حورادی زینب همان زینب دوشوب ائلدن آرالی هارالیدی اولوب آخر  هارالی ئوزی یورقون ئورکدندَه یارالی گئدوب زهرا کیمی قبره عزالی غمون منشورینه امضادی زینب آچیلدی (نادره) بوخوان احسان سنون احوالووی یازدی پریشان اگر اولسا اونون عشقینده نقصان سنی زهرا اونی قووما قاپوننان دئسونلر صبریده دریادی زینب 🍁🍀🍁🍀🍁🍀🍁🍀🍁