شهادت امام موسی بن جعفر ع شاعر:#بهمن جعفری زینجناب #نوحه #سینه زنی دسته عزاداری با سبک :دلنشین و محزون 🌓🌴🌴🌓🌴🌴🌓 بو ک‍ُنجِ قفسده یارب ، غربتده غریب اولموشام گلزاریمه گلدی خزان ، گول تک سارلیب سولموشام باخ بو غریبِ بی نوایه ایله خبر اوغلوم رضایه جان اوستیم گلَه هرایه بی یارو یاورم الهی موسی بنِ جعفرم الهی 🌓🌴🌴🌓🌴🌴🌓 بو محبِسِ تاریکیدَه ،‌ گوزیاشیمه قان قاتمیشام غربت وطن ئولکَسینده ، دریایِ غَمَه باتمیشام دردیم چوخالدی بو وَطَنده یوخ طاقت و توان بو تَندَه یارام سیزلدیر اَل دَیَندَه غمدیده پَرورم الهی موسی بنِ جعفرم الهی 🌓🌴🌴🌓🌴🌴🌓 آگه سن اوزون هارونون ، ظلمینده کی یوخدور حدّی چوخ رنج و اذیّت ایلور ، بوینومدا کی زنجیر ردّی بوینومدا زنجیر ترپَشنده زنجیر یارا اوسته دوشندَه اینجیر یارالار ایلَشَنده زهرایه مظهرم الهی موسی بنِ جعفرم الهی 🌓🌴🌴🌓🌴🌴🌓 بو مَحبِسِ غَمدَه یانّام ، هجرانه داخی یوخ دوزوم حسرتله بو صون نَفَسدَه ، یولّاردا قالیبدی گوزوم عذاره اشکی باغلارام من یوخ آغلیانیم آغلارام من یانیب سینه می داغلارام من دنیایه رهبرم الهی موسی بنِ جعفرم الهی 🌓🌴🌴🌓🌴🌴🌓 گوزلَردَن آخان قان یاشیم،آخدیقجَه یوزَه قوروییب از بَس کی رطوبت چوخدی ،‌ اَینیمدَه عَبا چوروییب زهریله اورگیم یانیبدی بو قلبِ زاریم اوتلانیبدی جگرلریم پارچالانیبدی بی بال و بی پرم الهی موسی بنِ جعفرم الهی 🌓🌴🌴🌓🌴🌴🌓 سنسن منه پشت و پناه ، هر ایکی جهان تکیه گاه بو آخر عمریمده ه‍ِش ، یوخ داده یِتَنیم الله اورکدَه واردی غَم الهی جان اوستیّم بو دَم الهی بیر قوجا‌ سِیّدَم الهی یِدیمجی اَخترم الهی موسی بنِ جعفرم الهی 🌓🌴🌴🌓🌴🌴🌓 سنسن منه عزّت وئرن ، ای خالقِ حق آلّلهیم فخریم بودی هر عالمدَه، سنلَه واریم عِزّ و جاهیم لطفووَه محتاجم الهی درده نتائجم الهی بابَ الحوائجم الهی فرزندِ ‌ حِیدرم الهی موسی بنِ جعفرم الهی 🌓🌴🌴🌓🌴🌴🌓 ✍شعر از:#بهمن جعفری زینجناب