بنام خدا پندیات متناسب برای مجالس ختم و... "" "" "“" "" " گر اولا داغدان آغیر یا گر اولا صخره بشر ریشهٔ عمرونه بیر گون دیجک داس و تبر جز خدا بیلموری هئچ کیم هاچان عالم یارانوب نئچه بار چرخ زمان دورینه آیا دولانوب یاکی واقف دگی هئچ کیم نه زمان گئتمه لیدی نئچه گوندن سورا دنیانی وداع ائتمه لیدی الغرض هامو بیلور شیشهٔ عمری سینا جاق بی گمان بیرگون اونون گلشن عمری سولاجاق شاه اولا یاکی گدا گوزلری بیرگون آخاجاق گئژ و یا تئز الی بوش قبریده آخر یاتاجاق رحم قیلماز ابدا پیک اجل مرد و زنه بوکه جاقلار هامونی بیر گونی بیر آغ کفنه وئرمیوب قاصد حق هئچ کیمه بیر لحظه مجال آپاراموب بو جهاندان بیریسی مال و منال پس بو دنیاده گلون طاهر و پاکیزه گزاق پربها عمروموزی حیفیدی بیهوده سواق مرد و زن بیز قورویاق عمریده افعالی موزی گون به گون سنگین ائداق وزنهٔ اعمالی موزی توپراق آلتیندا باخان یوخ بیرینون صنعتینه فانی دنیاده اولان مال و منال دولتینه هرکیمین نیک عملی اولسا یئری خوشدی اونون وای او شخصین حالینا الری گر بوشدی اونون هرنه کشت ایلویه هرکیم اونی آخر دره جاق حاصل کشت و کارین روز قیامت گوره جاق فاخرا بیر گونی سنده یوماجاقسان گوزوی خانهٔ قبریده سنده گوره جاقسان اوزوی سعی ائله دفتر اعمالیوی الوان ائده سن تا کی درگاه حقه شادو خرامان گئده سن مسلم فرتوت فاخر ┄┅✵﷽✵┅┄ http://eitaa.com/mo1346 •┈┈••✾✾✾••┈┈• 📌لینک کانال در (ایتا)👆وتلگرام👇 https://t.me/moslm_fakher •┈┈••✾✾✾••┈┈•