حیف اولا مندن او دریای وفا آیریلدی زندگیمدن ایله بیلَّم کی صفا آیریلدی نچه ایل زندگی ائتدیم من او خوش منظریلن عوض ائتمزدیم اونی ائو دولی سیم و زریلن چوخ اوزاق دوشموشم ایندی او گوزل اختریلن چکدی قلبیم باشینا تیر جفا آیریلدی بو فلک اوزدی الیم باشدا اولان افسردن سایه سی همدمیمون گئتدی بلالی سردن همسرین آیریلیقی مشگل اولار همسردن غمگساریم ئورگیم ائتدی یارا آیریلدی قلبیمه دست اجل نقشۀ هجرانی چکوب غصّه نون نخلینی دشتِ غمِ سینمده اکوب ایندی مظلوم علی بیلدیم بو جهاندا نه چکوب تاپمادی فاطمه دردینه دوا آیریلدی گجه نون نصفی دوشوب باشی عجب غوغایه ئوز الیلن آقامیز غسل وئروب زهرایه آپاروب یاری گجه مخفی دل صحرایه ایله بیل روح علیدن رفقا آیریلدی دفتر قلب علی ده بو قضا غم یازدی فاطمه دردینی دریا اونا بیلسوک آزدی هم ئوزی غسل وئروب هم ده مزارین قازدی او قدر آغلادی با صوت نوا آیریلدی