شعر ترکی در فراق پدر
(سبک شبانگاهان)
بودنیاده گورمین خوش گون ای گونی قاره یات بابام لایلای
گیدن قبره اولمیان آخر دردینه چاره یات بابام لایلای
غمی باشدان آت بابام لایلای
چالیم ایندی یات بابام لایلای
آه وواویلا
*****
بودنیانون رنج و دردیندن راحت اولدون سن مقصده چاتدون
بیزی آخر قویدون آواره تپراق آلتیندا دیده تر یاتدون
غمی باشدان آت بابام لایلای
چالیم ایندی یات بابام لایلای
آه وواویلا
******
الی قوینوندا اورک داغلی دیده تر شیرین دیل لرون قالدی
قالوب ایندی زارودل خسته قیزلارون آغلار یات بابام لایلای
غمی باشدان آت بابام لایلای
چالیم ایندی یات بابام لایلای
آه وواویلا