‍ ‍ مدح امام حسین (ع) پاک آدووا مفتخرم یاحسین نوکر بی بال و پرم یاحسین عاشق خونین جگرم یاحسین قاره علمدن ئوپرم یاحسین مشگله دوشسم دییرم یاحسین              حل ائلیر مشگلی مولا حسین              صدقیله هر کیم دئسه گر یاحسین ____ عشقی اورک ملکینه سامان وئرر دلده شرف قانینه جریان وئرر تک باخیشی یئر گویه فرمان وئرر درده نه تنها آدی درمان وئرر مصلحت اولسا ئولیه جان وئرر                      روح و روانی ائدر احیا حسین                صدقیله هرکیم دئسه گر یاحسین _ پاک آدی گل واژه زیبا  حسین نور سراج شب اَسرا حسین رُکنِ رَکینِ فَتَدَلّی حسین رمز توان ید بیضا حسین معجزه بخش دم عیسی حسین               بذل ائلیر دل لره یارا حسین               صدقیله هر کیم دئسه گر یاحسین _ مقتلی دانشگه عزت حسین نهضتی بنیان کن ذلت حسین مکتبی سر فصل سعادت حسین مصدر ایثار و فتوت حسین زندگیسی درس شرافت حسین              عز و شرف ایلیر اعطا حسین              صدقیله هر کیم دئسه گر یاحسین