.
💐🍃🌿
🌸🍃
حاج اصغر فرشچی ( عدلی تبریزی)
یارب منه لطف ایله اولوم عیبدن عاری
عشقونله اورکده آچیلا یول سنه ساری
بیرعمرودی روزی یییورم شکرونه غافل
سال قلبه اولـوم نعمتوون شکر گزاری
سالما نظروندن منی ایت راکع وساجد
تکبیره نـمازه دلیمی آچ اولا جـاری
سال سایۀ رحمت کرموندن باشیم اوسته
سیل بـو اورگیمده اولونان گرد وغباری
مهمان ایـلـه فضـلونله منی بادۀ نابـه
دولدورسون اومی جسمیده هریرده داماری
مست ایله منی عشقیوه ای خالق رحمان
ویر باده مدام ویرمیه یوزحال خماری
عفو ایت منی اعظم اولونان اسمیوه یارب
گرچه گناهیم چوخدی منیم یوخدی شماری
یازنوحه حسین عاشقی ای «عدلی» عاصی
قور تـارسا سنی نار جهیمدن او قوتاری
رباعی:
شأن وجلالتو ن حسین دهریده جاودانه دی
ذکرمصیبتون سنون دل لره خوش ترانه دی
یتمش ایکی شهید قانی قطره به قطره گل لنوب
گلشن دین احمدی همیشه پـر جـوانـه دی
🌾
🌼🍃
🍃🌾 🍃