🍃 💐🍃🌿 🌿🌸🍃 🌸🍃 🌿 زبانحال حضرت رقیه سلام الله علیها در خرابۀ شام به قلم: حاج اصغر فرشچی (عدلی تبریزی) سبک : 👇 ایوای یارالی جان یارالی...... شاماتیده من چکدیم؛ چوخ جور و جفا عمه اولسم منی دفن ایله آز ایله نوا عمه رقیییم حزین سوزوم وار غصه غمه منده دوزوم وار کربولاده یاتدی اکبر اودی منیم اوردا گوزوم وار شهزادیم زهرا مارالی اولدوم بابامدان من آرالی من اولسم اگرعمه حسرت گوزمی باغلا قاز قبریمی قوی قبره آهسته جگر داغلا من نورچشم مرتضایم من صابرم درد آشنایم باب الحوائج آدلانان قیز معالجم مشکل گشایم شهزادیم. زهرا مارالی اولدوم بابامدان من آرالی بو برده منی عمه یاده سالانیم یوخدی قلبیم سیخلور غمدن گویلوم آلانیم یوخدی منزل منه ویرانسرادی مونس بویرده آه و وادی قارداشیمی بس گویلوم ایستور اکبر منه چوخ با وفادی شهزادیم زهرا مارالی اولدوم بابامدان من آرالی ویرموشدی منه وعده گورسون منی بو یرده علت ندی بس گلمور قلبیم گلوری درده عمه بابامی کاش گوریدیم دل دردیمی اونا دیییدیم قوجاقینه منی آلاندا یوزون گوروب صوندان اولیدیم شهزادیم زهرا مارالی اولدوم بابامدان من آرالی گوزلور بابامی گوزلر هرصبح و مسا عمه ویرانه منه مسکن یوخ درده دوا عمه اولدوردولر قارداشلاریمی دوشدی باشیم درد و بلایه کاش عمه قسمتیم اولیدی منده گیدیدیم کربلایه شهزادیم زهرا مارالی اولدوم بابامدان من آرلی قرآنه اولوب قربان پیمان الست او سته اصغر قانینی قاتدی اوز قانینه پیوسته دگنده اوخ گولدی هوسدن ایاق چالدی دوشدی نفسدن باخدی بیز آز گوزلر یومولدی طایر روح اوچدی قفسدن شهزادیم زهرا مارالی اولدوم بابامدان من آرالی بیرعمرمنه (عدلی) گوزیاشلی نوا ایتدی قلبیمده اولان در ده سوسپدی دوا ایتدی عمه برات یاز زائراولسون بیراربعین کربوبلایه ایتسون زیارت قتلگاهی قان آغلاسون گلسون نوایه شهزادیم زهرا مارالی اولدوم بابامدان من آرالی 🌿 🍃🌺 🍃🌺🍂 🍃 💐🍃🌿