🌿🌸🍃🌾🌼
🌾. شهادت آیت الله آل هاشم
امام جمعۀ محبوب تبریز
عزیز جان امت آل هاشم
ائدوب عقبایه هجرت آل هاشم
بلوردی وار شهادتده سعادت
عجب تاپدی سعادت آل هاشم
اولوبدور سالک راه سعادت
تاپوپ کثرتده وحدت،آل هاشم
اولوبدور آیۀ السّابقونه
گوزل مصداق و آیت آل هاشم
شب میلاد مسعود رضاده
تاپوپ فیض شهادت آل هاشم
اولوبدور عاقبت بر خیر آخر
شهید راه خدمت آل هاشم
نماد عشق و تمثیل شهادت
طرفدار ولایت آل هاشم
هماره آیۀ قرآن دیلینده
اولان ایمانه آیت آل هاشم
خطیب پر توان و اهل تقوا
بلیغ و با صلابت آل هاشم
ئورکلر ملکونی تسخیر ائدیب دور
او مرد با جلالت آل هاشم
یوزونده نقش باغلاردی تبسم
صبور و با ملاحت آل هاشم
مرید حقدون کی حقدن اولدی
سنه عالی عنایت آل هاشم
اولار یاور جزاده آل حیدر
سیزه روز قیامت آل هاشم
تلاش ایتدون همیشه دین یولوندا
هاچان گوردون فراغت آل هاشم
قوشولدون سید ابراهیمه گیتدون
نه خوش ایتدون رفاقت آل هاشم
واریدی حضرت سلطان عشقه
دیلینده چوخ ارادت آل هاشم
یول اوسته دورمادی یول آچدی خلقه
ایشینده با درایت آل هاشم
نه تئز گئتدون کی تازه شهر تبریز
سنه ائتمیشدی عادت آل هاشم
گیدوب تاپدین آنان زهرانی سیّد
سنه ائیلر کفایت آل هاشم
سنی یاد ائیلینده اهل تبریز
یانوللار بی نهایت آل هاشم
الا فرزند کوثر سندن الحق
ائدر مولا سقایت آل هاشم
اولوبدور علمنه عامل همیشه
او دارای فقاهت آل هاشم
تمامِ عمرینی سعی ایتدی‌تاکی
ائده دیندن صیانت آل هاشم
شهادت آرزوسئنده یاشاردی
تاپوب آخر لیاقت آل هاشم
تلاش ایتدی اولاسلمانِ ثانی
تاپوب الحق شباهت آل هاشم
رضائیدی قضای کردگاره
هئچ ائتمزدی شکایت‌آل‌هاشم
اولوب تقدیری آخرده شهادت
تاپوپ بیر یاخجی فرصت آل هاشم
حسیندن درس حرّیت آلوبدی
علیدنده شجاعت آل هاشم
وئریب حق وحقیت اوسته جانین
تاپیب عزّ و شرافت آل هاشم
سلام اولسون سنه ای مرد فاضل
تاپوبسان چوخ فضیلت آل هاشم
جزاک الله مظلومینِ شهره
سن ائتدون چوخ حمایت آل هاشم
ره اسلامیده چکدون ریاضت
سنه واجبدی حرمت آل هاشم
شهادت نامه وی امضا ائدوبدی
سنون ارباب حاجت آل هاشم
یئتیشدون دلدکی عالی وصاله
قبول اولسون ضیافت آل هاشم
تمام خلقیله ائتدون همیشه
صداقتله رفاقت آل هاشم
صفای باطنی گوردم من اوندان
موقّر با دیانت آل هاشم
سنون کی حرمتون وار حق یانیندا
بیزی ائیله شفاعت آل هاشم
امام جمعۀ محبوب تبریز
امین با کیاست آل هاشم
یئری وار هر شب جمعه اولونسا
سنه قرآن قرائت آل هاشم
صداقتله مصلاده نئچه ایل
بیزه ائتدون امامت آل هاشم
سنی آخر جلال و عزتیله
یولا سالدی جماعت آل هاشم
اولوندی بو گروه " بوستاندا"
سیزه عرض ارادت آل هاشم
موضوع: شهادت آیت الل
محمدعلی آل هاشم
امام جمعۀ محبوب القلوب تبریز
اسامی شاعران:
حاج محمدتقی جابری
سید بشیری حسینی میانجی
محمدرضاصادقی( شیدا)
حسن تقی لو( سالک)
شهنام آریانی(غریب اردبیلی)
صابر ثمودی
رمضان نقاشی( شاهد)
اصغر گلمحمدی( دلجو)
خلیل نجفی
رضا غلامپور( دلپاک)
سید جواد حسینی
مقصود ارفعی خسروشاهی
رضامند( حق تبریزی)
رحمن شاجری زنجانی
محرم کریمی
هاشم خیری
اکبر ملک پور
هادی کاظمی(عطش)
محمد مهدوی مرام( جابر)
اکبر کریم زاده
علی جعفری( عاجز)
رسول بابایی زنجانی
حاج بهروز کیمیا
حاج اصغر فرشچی( عدلی)
محمد هوشمند( مدهوش)
خادم الشعرا الیاس ملک پور
دوشنبه ۳۱ اردیبهشت ماه ۱۴۰۳
مجری: گروه بوستان شعر و ادب تبریز
🌿
🍃🌾
🌿🌸🍃
🍃🌾🌼💐
🌿🌸🍃🌾🌼