🌸🍃🌾🌼
🍃🌺🍂
🌿🍂
🌸
زبانحال حضرت زینب کبرا سلام الله علیها
✍️ حاج اصغر فرشچی ( عدلی تبریزی)
ای کربلا ای کـربلا دُرعـَـدَن ایتیرموشم
من گلستان عشقیده صحنِ چمن ایتیرموشم
ای کربلا ای کــربلا بوصحنـۀ گـلـزاریده
سیرایلدیم تاپانمادیم مُشکِ ختن ایتیرموشم
ای کربلا ای کــربلا ظلمیله قانینه باتان
من داشلار آلتندا قالان عریان بدن ایتیرموشم
ای کربلا ای کــربلا آخدی چوله آب فرات
بوچولده تشنه جانویرن، آزرده تـن ایتیرموشم
ای کربلا ای کربلا شـیـر دلاور اوغلونی
ایکی قولی تندن جدا لشکر شکن ایتیرموشم
ای کربلا ای کــربلا بیرصود امر سرباز دین
گهوارده لبیک دیین شیرین سخن ایتیرموشم
ای کربلا ای کــربلا بهاریم اولدی چون خزان
گل تک سولان پرپراولان سرو وسمن ایتیرموشم
ای کربلا ای کربلا (عدلی ) یازار بو نوحه نی
سویلر خدا بیر عمردور فخر زمن ایتیرموشم
🌿
🌿💐
🌾🌼🌿
🌸🌾🌼🌿