‍ ✳️ نوحه مازندرانی حضرت اباالفضل العباس ع : #عباس_علمدار_مه_جان_برار عباس علمدار مه جان برار کی ته بازو ره بَوریه«2» کی ته بدن ره نازنین تن ره میون خون بَکشیّـه کی ته بازو ره بَوریه مه جان برار پِرس علمدار بی ته من بُومه گرفتار«2» برار پهلوون مه دردِ درمون غیر از ته ندارمه برار«2» کی بشکنیّـه ته جانِ سر ره«2» خون مثل ناودون در شیّـه کی ته بازو ره بَوریه ته بُوری مه ناله اشک و آهه خیمه دیگه بی پناهه «2» تا دشمن ته سر ره دیر بَوینه مه وچون روز سیاهه «2» راس بواش برار مه دل قرار بی ته مه علمدار کیه؟ کی ته بازو ره بَوریه یا ایهاالناس از داغ عباس بشکسّه کمر نَونه راس«2» بَیمه بی علمدار و بی سپاه غریبی ره کمه احساس«2» کی مه قد بلند بالا سردار ره میون خون بَکشیّه کی ته بازو ره بَوریه عباس جان ته هسّی مه آبرو جان برار پس ته دس کو؟«2» نالۀ وَچون بُورده آسمون عـمو تـه جا نخوامی او «2 » ته نازنین چشِ کی تیر بزو«2» وه چه اَنّـه بی رحم بیه کی ته بازو ره بَوریه این همه لشکر من بی علمدار عباس مه کار بَهیّـه زار «2» شاه علقـمه بَـدی فـاطـمه تره پـسر بَـوته مـه مار«2» مار از مدینه بشکسه سینه بمو ته داد بَرسیّـه کی ته بازو ره بَوریه 🌹🏴🌹🏴🌹🏴🌹🏴 شاعرسربندنوحه وسبک زنده یاد فخری رضوان الله شاعر متن نوحه: علی اکبراسفندیار«مداح» ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید ما را به دوستانتون معرفی کنید 🏴🏴🏴🏴🏴🏴🏴