✳️ شعر تبری درباره مازندران: مازرونه  ویشه ره ته  بگردی آتا ممرز و تسکا  پیدا  بونه؟ ونه کوه و صحرا ره ته  بگردی خونشه  مسه تیکا پیدا  بونه؟ دشتا دمن چکل ره  ته بگردی سونه قدیم ای شوکا پیدا بونه؟ درسه شیخ موسی ره ته بگردی ای ونگه واییه ورکا پیدا بونه؟ کهنه کهنه  تلاره  ته بگردی دشونا کوزه  گمکا پیدا بونه؟ تیرکن بی بور لفوره ته بگردی مختآباد بلن بالا  پیدا بونه؟ هراز و کوهه لاره  ته بگردی ساده چپونه  کیجا پیدا بونه؟ کُله مازندرونه   ته بگردی کال چرم شله چوخا پیدا بونه؟ آتا آتا روستاره  ته بگردی قشنگه کمل کوفا  پیدا بونه؟ لفور بالا  بالاره  ته  بگردی گالش با تنه چوخا پیدا بونه گمبه  شهر و روستاره ته بگردی با نمک ساده کیجا پیدا بونه؟ ✍ شاعر : شمس حسینی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید