«قدرت» جبهۀ حقی گورورسوز بو قَدَر آماده! امر قرآندی قوی اولماقیمیز هیجاده منطقین قدرتینه یوخ سوزوم اما، نیلیم قدرتین منطقی حاکمدی الان دنیاده هر شرایطده قوی اول، قوی چیخ میدانه درس عزت وریلیب مکتب عاشوراده بو ظرافتلی سوزی هر ظریف آدلی بولمز دشمنه ضعف نشان وئرمه بو وانفساده ایستمه خیردالیام سوز چیخا، وحدت ییخیلا گاه اثر یوخدی صراحتده کی وار ایماده هاردادی اول کی دئدی موشکی نیلیر اولکه گل گوراخ دیوه مقابل، یتیشر کیم داده؟ بو اباطیلی ائشیدجاقدا بویوردی رهبر بو سوزی کیم دئسه خائندی و یا چوخ ساده قوۀ قاهره لازم، اودی تحصیل اولدی حیدره تیغ دو دَم، اولدی عصا موساده «و اعدّو لهم» آموزه‌دی بیل تفسیرین یعنی اول قدری اوجال، تاپماسین اَل، عنقاده اقتدار سپهِ قهرمانا حظّ ایله ردّ موشکلری آل سن تلاویو حیفاده امر فرماندهیِ کُلّی گوزَتلیر، یوخسا محوِ اسرائیله آماده‌دی حاجی زاده ریشه آمریکادی گر پِیلَنه بیتمز صهیون بو سوزوم مُتّکیدی چوخلی عیان اَسناده بویوروب پیر و مرادِ شهدا، روح الله ظَفَرین رمزی یاتیب مرگ بر آمریکاده اولمییب اولمیه‌جاق سید حسن نصرالله دیریدیر سید مظلوم دلِ شیداده "ساحله" چاتمالیدی حق گَمیسی تِزلیقجا نوحوموز سید علی‌دور شَپَلی دریاده