فی‌المثل خلقت صدف اولسا، اونا گوهردی زینب
صبریده دنیا و مافیها عرض، جوهردی زینب
عالِمِ غیرمعلَّم، عارف سرّ و علندی
آل طاها افتخاری کوثرِ دیگردی زینب
بیتِ وحیین یادگاری، عصمت‌اللهدن نشاندی
گلسِتان مرتضاده تک گلِ احمردی زینب
چوخ جلالتلی خانملار واردی عالی منقبت
هاجر و سارا صفورادن یقین بهتردی زینب
یوخ جسارت قصدیم اما بانوان محترمدن
حضرت زهرانی چیخسان هامّیدان برتردی زینب
نهضت کرب‌وبلادن دفع تحریف ایلییبدی
دینیدن ائتدی حمایت، تک جانا لشکردی زینب
قدرت نطق و بیاندا عالمه ضرب‌المثلدی
آل خبر شاماتیدن بیل حیدره مظهردی زینب
مجلس شوم یزیدی ایلدی شیرازه‌دن، چون
دانش‌آموز علیدیر درسینی ازبردی زینب
"ساحلا" صاحب زمان وِردی نشان درگاه زینب
چون طبیب دردمنداندی بیلر هر دردی زینب
۱۴۰۲/۸/۲۷