بانوای کربلایی فرج يگانه هیئت عجم کوچه باغ زبانحال حضرت موسی ابن جعفر ع حاج اصغرفرشچی(عدلی تبریزی) اون بیر ایلدی سجنیلرده من گرفتارم خدا بستۀ زنجیر و کنده قِیدِ مسمارم خدا فاش ایدوب جورو جفاسین اگمدیم باش دشمنه حبس ایدوب زندانیده ظلمون عیان ایلور منه زهریلی خرما یدوردوب گلموشم من شیونه ظالم هارون سالدی دیلدن بی پرستارم خدا حق دانیشدیم حق دیدیم چون حق کلامی مو به مو ایتدی زندانی منی هارونیده یوخ آبرو یر نه یر زندان نه زندان چوخ قرانلوق تو به تو مونسیم ذکر و دُعادی چشمی خونبارم خدا اون بیر ایلدی روزوشب الله اولوب بوردا سوزوم هی ویروبلار قویمیوبلار تا قالا منده دوزوم ایندی جان اوسته رضانی ایستوری گورسون گوزوم هجرالیندن گر چه یاندیم من فدا کارم خدا بادۀ غم بس ایچیردوبلر منه یوخ دور توان بولسه معصومم وطنده ایلییر اشکین روان محبسیم تاریک و نمناک یوخ منی یاده سالان محنت جور و جفای مردم آزارم خدا زهر کین سالدی ایاقدان طاقتی الدن آلوب باغبان سِند اولدی زهرانون گلون دیلدن سالوب یوخ دیین موسی بن جعفر هاردادی هاردا قالوب شهر یثربده قزیم اوغلوم عیال وارم خدا سند ظالم دینجلم ویرمز منه لحظه امان هی ویرار سیلی منی ایلر بو یرده باغریقان صاحب عصرم ولی دوندردی یوز دورزمان من گُل پژ مردۀ اسلام و گلزارم خدا بیر نفر اولماز منه بو یرده اولسون غمگسار جور دشمن گچدی حددن قالموشام زیر فشار آیۀ لا تقنطودن دلخوشام امیدوار دین و قرآنه بو یرده من طرفدارم خدا من قرانلوق یردیم گورمز گوزوم ویرسام قدم سسلرم دیلدن آنامی تا گله زهرا ننم آخرین لحظه اگر تاپسام رضانی وارنه غم «عدلی» یاز من بو مصیبتده گرفتارم