جاودان: ئوزوم گوردوم قاپیم یاندی تماشایه گلن دوردی ئوزوم گوردوم که زهرانی او نامرد زَمَن ووردی ئوزوم گوردوم اشاریله دیوردی قنفذا ثانی دایانما ویر ایاقدان سال ئورگی داغلی زهرانی ئوزوم گوردوم نه نوعیله یره زهرا یخلمیشدی ئوزوم گوردوم که دیواره نه قدری قان یاخلمیشدی ئوزوم گوردوم بالام محسن دوشوب یرده چخور جانی نه زهرا گوردی ئوز اوغلون نه محسن گوردی زهرانی ئوزوم گوردوم عُمَر آلدی الینه بیر یانق هیزم منیم باغلیدی قوللاریم او ووردی من باخوب دوردوم ئوزوم گوردوم حسینون گوزلری گریان دایانمیشدی ئوزوم گوردوم که مسمارین اوجوندا قان دایانمیشدی ئوزوم گوردوم قاچور زینب دیور وای بی کمک قالدیم گلون آی قونشولار ئولدی ننم اللرده تک قالدیم ئوزوم گوردوم حسن آغلور دیور الله ننم ئولدی کیچیکدور سنّیم حیف اولسون بو غصّه قلبیمی بُولدی @eetazeinab ئوزوم گوردوم قیزیم کلثوم ائله رنگی سارالمیشدی ایتیرمیشدی ئوزون گویا بالام آواره قالمیشدی اجرا: مداح ولایی گروه یازینب س⬇️ #کربلایی_جناب_افشار سبک: #ترکی #کانال_نوحه_یازینب_سلام_الله_علیها #هدیه_محضر_امام_زمان_عج_صلوات #التماس_دعای_فرج_و_عاقبت_بخیری