. #واحد #ترکی #ورودیه ورود آل الله به کربلا کربلا گوزلرین آیدین ساربان یولدان یتیشدی پیشوازه چیخ سنی چون غصه لی مهمان یتیشدی عونیله فضلیله جعفر ام کلثومیله لیلا اوچ یاشنیدا بیر قیزیلان سود امر جانان یتیشدی کربلا مهمانووه باخ گور نه جاهیلن گلوبدی پوزماقا اجلالین اما کوفه دن عدوان یتیشدی کوفه آهنگر لرینون کسبینه رونق وریلدی چون آچان اوخدان قیلجدان نیزدن دکان یتیشدی سعی ایله مهمان نواز اول نحرووه سقا الینده مشکی ایستور سو آپارسن خیمیه عطشان یتیشدی قوی ملکلر سسلسینلر تلیدن امن یوجیبی باخماقا میدانی اوردان زینبِ نالان یتیشدی خیبره فاتح علینون زالفقاره وارث اوغلی فوجِ اعدانین ایچینده ویرمگه جولان یتیشدی تپراقین آلدی قوجاقه عرشه سلطانون ایاقین شاًنی دقوز آسمانی ایلین حیران یتیشدی تپراقیندا بوترابین اوغلی قوردی خیمه گاهین تپراقی مقتلده قانی ایلین الوان یتیشدی قتلگاهیندن قوپوبدی گور نه واویلا نواسی سانکی زهرانون حسین وای ناله سی اوردان یتیشدی مقتلینده حاجریلن قوی خلیل الله دایانسین بیر باجی قارداش مناده ویرمگه قربان یتیشدی لیلینی مجنونی حاضر ایله عشقین مکتبینده یازماقا قاندان فراز عشقه بیر دیوان یتیشدی یوسف کنعانی سسله یوسف لیلایه باخسین مقدمیندن اوپمگی چون حوریله غلمان یتیشدی غملی بیر طوی وار قا باخدا ایله سون الله مبارک قان حناسیلن عروسین حجله سی تالان یتیشدی وِرمگه غم امتحانی چکمگه قال و بلانی ذوالجلالیلن ازلدن باغلیان پیمان یتیشدی اوچ پر اوخلان آلتی آیلق اصغره لای لای چال ایندی قمچیدن زین العبادین دردینه درمان یتیشدی دوزدی قرآن ختم مرسل احمده نازیلدی اما نیزه نین باشینده باشی باشلیان قرآن یتیشدی نیزه باشینده تلاوت ایلین قرآنی گورجک عشقه فتوی ورمگه باش محمیله چرپان یتیشدی نیزه نین باشینده باشلار ناقه اوستونده اوشاقلار گزمگه صحرانی یورقون جانیله جانان یتیشدی کربلا سنده نه اولسا نشر ایدن زینبدی زینب ایلین نطقی یزیدین قصرینی ویران یتیشدی #حسنعلی_بالایی . اجرای مهدی رسولی 👇 https://sevilmusic.com/article/52338/ .