﷽ 🍁 «تقدیم به یاران رهبر» #شعر_ترکی عاشق اولسان حیدره باخ رهبره باخما ناحق سؤزلره باخ رهبره سیر ائله سیّدعلی برنامه‌سین یِتمیش ایل پر ماجرا هنگامه‌سین یدّی سینّینده قویوب عمّامه‌سین خوش تانی بو حوزه‌لر علّامه‌سین پیرو اول پیغمبره، باخ رهبره ایستور اهریمن چاتا عنوانينه تشنه دی فرزند زهرا قانینه باخما سن بیگانه لر طغیانینه اگ فقط باشون على فرمانینه چخسا هر گون منبره باخ رهبره یاوه سؤزلر پیش پا افتاده‌دی قهرمان ایرانلی‌لار آزاده‌دی نور چشم حیدره دلداده‌دی هرگون امر ائتسه ، بولار آماده‌دی یازدیر آدون دفتره باخ رهبره وحدت اولسا فتنه میداندان قاچار دشمن، حزب اللهِ دوراندان قاچار جِنّ ، بسم اللهِ رحماندان قاچار بیر گون اسرائیل لبناندان قاچار آچ گوزون چات باوره باخ رهبره ای جوانان بسیجی یاعلی ایستور حزب اللهیدن امضا علی جانِ مولی‌المتّقین مولا علی قویما میداندا قالا تنها علی گل حریم دلبره باخ رهبره حق طلبلر رهبری محور بیلر سؤزلرین ارزنده چون گوهر بیلر مدعی، زر قدرینی زرگر بیلر انقلابین خیرینی رهبر بیلر ساخلا حرمت محوره باخ رهبره گر ولایت اولماسیدی رهنما نهضتِ اسلامی اولمازدی بپا بیر امانت تاپشوروب روح خدا کیمدی گور فرمانده کلّ قوا گی کفن گل سنگره باخ رهبره "وار خمینی تک، حسینی بینشی حزب شیطانیله یوخدور سازشی قلبینه وار نور مهدی تابشی نقشه ی راهه بلد دور بو کیشی" گِئتمه خطِّ دیگره باخ رهبره آشنا، بیگانه، چوخ سؤزلر دییَر حق ندی ناحق ندی داور دییَر گوهری لر حق سؤزه گوهر دییَر اول و آخر سؤزی رهبر دییَر چیخ عَرَضدن جوهره باخ رهبره آند اولا عباس الینده پرچمه آند اولا امواج نهر علقمه آند اولا ایثار نسل آدمه انقلابی وئرمروخ نامحرمه مشتری اول گوهره باخ رهبره کربلاده قوپدی قانلی انقلاب قالدى عریان یرده پور بوتراب قهقهه وردی یزید ، ایچدی شراب زينبه عرض ائتدی مجلسده رباب باخ او قانلی لبلره باخ رهبره حالیم ای زهرا قیزی بحرانلیدی گوز یاشیم دریا کیمی طوفانلیدی خیزران الده يزيد عُصیانلیدی طشت زرده یاره‌لی باش قانلیدی غملیدی بو منظره باخ رهبره قهرمان زینب دئدی جان ياحسين ای قتیل راه قرآن یاحسین سيّد كلّ شهیدان یاحسین گلدی بیر سس آسماندان یاحسین آفرین بو خواهره باخ رهبره ✍#استاد_کلامی_زنجانی ـــــــــــــــــــــــــ @gholch👈🌹🍃 #کانال_گلچین_شده_ها