" السلام علیک یا فاطمه الزهرا " #شعر #آذری طلیعه ی هنر كردگار یا زهرا وقار ومنزلت روزگار يا زهرا بشر جلالتوه ال تاپا سنون هیهات آلوب طراوتی سندن سراسر جنّات فرشته خاک قدوموندن آختارار برکات قاپوندی ما خلقه اعتبار یا زهرا سن اولماسیدون اگر نُه فلک یارانمازدی ریاض عشقیده لاله چیچک یارانمازدی نه عرش و فرش ونه حور و ملك یارانمازدی سنوندی عزت دارالقرا یا زهرا منیم غُلوّ سایار شعریمی گر اهل خطا قویون دیسون نه دیور نوره ناریدن نه اِباء مگر یالاندی حدیث لمّا خلقتَکما آدووا خلقت ایدر افتخار یا زهرا یاراتمیوب سنه همپایه خالق ازلی اطاعتونده باش اگدی ابوالائمه علی وروبدی اللروه بوسه انبیا گوزلی که خلقه شأنون اولا آشکار یا زهرا جمالون آئینه دور نور پاک داورینه یارانمیوبدی مثل حسنوون برابرینه سنون آدون یازیلوب جبرئیل شهپرینه یوخ اهل عرشیده بو اقتدار یا زهرا سیف الشعرا استاد سیفی اردبیلی @gholch🌹