🔺شعر مشهوری از عالم عامل،دانشمند فاضل مرحوم #حاج_سید_حسین_کهنموئی در مورد امام زمان(عج) 🔻 وئروبدی وعده خدا صاحب الزمان گله جاخ/ دولاندا ظلمیله جوریله بو جهان گله جاخ بئشینجی سننه یئتیشمیشدی ائیلیوب غیبت/ گلنده سنّی اوتوز بش کیمی جوان گله جاخ دگول غیابی، ظهوری، اؤز اختیارینده/ ظهورینه اونا اذن اولسا هر زمان گله جاخ گلن گونون دئسه هر کیم بیلون یالان دیوری/ اوزیده بیلموری هانسی زمان هاچان گله جاخ بو انتظار فرج بیر بیوک عبادت دور/ که باغ دین خداونده باغبان گله جاخ @kahnamu او کس که پاکدی پاکیزه دی مسلمان دی/ اونا امام، اونا سلطان مهربان گله جاخ او کس که جور دگور حکم شرعله عملی/ اونا حدود ووران وئرمین امان گله جاخ بساط ظلمی ییغان دادگاه عدلی قوران/ سعادتین قاپوسین یوزلره آچان گله جاخ وصول اِدن فقرا حقّین اغنیالردن/ بنای ظلمی، ستم کاخینی یخان گله جاخ قویان جهانیده اجرایه حکم قرآنی/ عدالتیله بو دونیانی دولدوران گله جاخ @kahnamu بو دینی ائیلمه آلت مرام دنیایه/ الینده حافظ دین، تیغ جان ستان گله جاخ امامه پیرو اولان تابع هوا اولماز/ بهار عمره بیلر دوره خزان گله جاخ او کس کی پیرو(ایقان،بیان اقدس)دور/ دِنه(امام زمان)گلمیوب، اینان گله جاخ خیال باطلی ترک ائیله گَل مسلمان اول/ بساط(باب و بهائی)نیده یغان گله جاخ او کس که قویموری قرآنی خلق درس اوخوسون/ اونوندا وار خطری، دوره قرآن گله جاخ @kahnamu دِئمه امامه نیه گلموری نه حکمتی وار/ دایان، عمللرون اصلاح اِئله،دایان گله جاخ یالان دانیشما، قومار اویناما، زنا ایلمه/ حدود شرعی گؤزتله که حد ووران گله جاخ وئریم بو یئرده سیزه مژده ای حسینی لر/ حسین تشنه لبون قاننی آلان گله جاخ پیمبر عربی #کهنموئی جدّوندور/ سن افتخار ائله دنیاده که آتان گله جاخ