بانوای عبداللهی ====👆 🌷 آرزوی زیارت 🌷 کربلانی گورن آغلار .... گورمین قلبینی داغلار هاردا گورسه حرم عکسی .... اشکینی عذاره باغلار کربلا سنده یاتان شاهه سلام نهر علقمده باتان ماهه سلام ((   آی کربلا  آی کربلا    یوخدور سنه تای کربلا   )) تربتی خاک شفادی .... خیمه گاهی باصفادی تلین اوسته گوزلر آغلار .... قتلگاهی غم فزادی کربلا یاندی گینه داغلی دیلیم حیف اولا که سنه بیر یتمور الیم ((   آی کربلا  آی کربلا    یوخدور سنه تای کربلا   )) قلبیمه دوشوب شراره .... حسرتم کوی نگاره کربلایی اولمادیم من .... بس ندور بو درده چاره کربلا چکموشم عکسین بو دیله تا یانان اورک بو نوعی دینجله ((   آی کربلا  آی کربلا    یوخدور سنه تای کربلا   )) نی کیمی نواده دللر .... غصه دن سارالدی گللر نهر علقمدن گلنده .... ایلیر زائر گلایه کربلا نهرین آخوبدی چوللره آختاراردی سو آناسی اصغره ((   آی کربلا  آی کربلا    یوخدور سنه تای کربلا   )) نالم اوج ائدر سمایه .... گلرم دائم نوایه منده بیر گون کاش دییدیم .... گیدورم کرب و بلایه کربلا یاراشمور آیا من گولم قورخورام که گورممیش سنی ئولم ((   آی کربلا  آی کربلا    یوخدور سنه تای کربلا