🔴 حضرت زهرا سلام الله علیها _ اثر مرحوم استاد ذهنی زاده ای دودمانیمین یوزی شمع شبانه سی گیچدی علی چراغی، خراب اولدی خانه سی گیتدون خلاص اولدون اوزون رنج و غصّه دن ایتدون علینی تیر مصائب نشانه سی جسمیمده روحیمون قوشی محبوس اولِیدی کاش محبوس بیر قوشون کسیلوبدور ترانه سی اشک بصردی خون دل داغ دیده سی هر بال و پر شکسته قوشون آب و دانه سی یوخ خیر سنسیز عمریده یا خیرة النّسا سینسون گوروم درخت حیاتین جوانه سی قورخور حیاتی طول اولا خیبر شکن علی وار دلده چون اُلونجه غم جاودانه سی اوخشار علی او طایره سنسیز بو دهریده بال و پری سینا، اود آلا آشیانه سی کلثوم و زینب و حسنِینین سولان یوزی بسدور علینون ایتماقا ناله بهانه سی سندنصورا اولار بُلورم باشدا زینبین تا وار حیاتی حسرت الی زلف شانه سی عُمر اُلدورن علینون ایوین یخدی اُلماقون گیتدی الیندن عزّتیمون پشتوانه سی چوخ نسگل اولدی قبریوی گیزلتدی مرتضی اوز سویدوقوندی بو عمل مخفیانه سی قانون آلان گَلینجه بو ایتگین مزاریوی اولماز تاپان پیمبر اکرم نشانه سی دار فنانی ترک ایلدون سن، علیده کاش سنلن اولیدی عالم باقی روانه سی زهرا عم اوغلوا نیه بس ویرموسن جواب وار بُلموسن نه سوز دل عاشقانه سی اُلماق چتیندور، آیریلوق اونداندا سختدور بیر بحردور فراق که یوخدی کرانه سی قان آغلادور گوزوم ساتاشان وقتیده منی مسمار در، یانان قاپومین آستانه سی آهیم عجبدی پوزمادی نظم عوالمی دلدن سنی سالاندا عدو تازیانه سی یخسون مغیره نون ایوین ا... لم یزل اولسون گوزینده تار علی تک زمانه سی شرمندیم پیمبره گوسترمه سینوی ای سینه سی نقود بلایا خزانه سی منزلده اگلشنده یرون بوش گورنمورم آرتور گَلنده قبریوه قلبیم زبانه سی ویر سعدی زمانه صله یا اباالحسن سائلدی درگهونده، بو سوزلر بهانه سی نوکر سوزین بو رسمیدی مولا سنه دیر لازمدی اوز غلامینه مولا اعانه ✨اَللّهُمَّ عَجِّل لِوَلیِّکَ الفَرَج✨