در عزای حضرت ام البنین (س) روح الله رمضانی (خاکی ) گوزومده اشک مصیبت دوباره جوشلاندی ایکیمجی فاطمه چون عزاسی باشلاندی یانان ئورکده غمی اونوندا چوخ چوخودی گوزونی باغلاماقا بالالاری یوخودی کمانه دونموشیدی سرو قد رعناسی جان اوسته گوزلری هردم گزردی عباسی اولده گر چه اوغولار آناسی آدلاندی آخردا قالدی اوغولسوز وجودی اوتلاندی نواسی قلب زمین و زمانی داغلاردی مدینه ده گیجه گونوز حسینه آغلاردی الردی حسرتیله گل جماله اشک ترین گلوب بشیر وئرنده اونا اولوم خبرین ائشیتدی قتل حسینی نواسی قوزاندی ئورگی نار بلایه دوباره دن یاندی بویوردی گلشن آرا صولدوروب عدو یاسی حسین سیز ام بنین نیلیور دای عباسی ائدردی ناله چکردی او بی نوا هی آه آتاسینا گیجه لر آغلیاندا عبدالله دییردی آغلاما اوغلوم منی کباب ائلمه باشیما خانه ی صبری یخوب خراب ائلمه سن آغلیاندا ئورک تازه دن اولور یاره سن آغلیاندا دونور گوندوزوم شب تاره سن آغلیاندا ئورک یاره سی تازه لنور باشیما گرد عزا دوباره دن النور سن آغلیاندا ئورک ملکینی دوتور ماتم دوشور یادا بالاما قسمت اولمیان علقم گورن زمان آنون اولسون گوزونده کی اشکی مجسم ایلیورم گوزده ، قان دولان مشکی یانور کوز اوسته ئورک حالتیم اولور مضطر دولان زمان گیجه لر اشکیله دولان گوزلر گیجه کچوب یاریدان آغلاما بیر آز دینجل بو داغلانان سینمی داغلاما بیر آز دینجل https://eitaa.com/kobradsg