سینه زنی حضرت ابوالفضل (ع)
گل پیکری صد پاره قارداش
جسمونده سایسیز یاره قارداش
آرخام ائلیم دشت بلاده
قویدون منی آواره قارداش
یار وفاداریم ابوالفضل
شایسته سرداریم ابوالفضل
آچ گوزلرون بیر یول اماندی
قلبیم باشی اوت دوتدی یاندی
باخ بیرده سمت خیمه گاهه
تل اوسته زینب باغری قاندی
یار وفاداریم ابوالفضل
شایسته سرداریم ابوالفضل
سالم یرون یوخدور بدنده
تیترور یارون هر یل اسنده
لشکر اولانمازدی حریفون
کیم شیریمی سالدی کمنده
یار وفاداریم ابوالفضل
شایسته سرداریم ابوالفضل
سعد اوغلی قلبیمنن ویروب اوخ
سسلور حسین هیچ یاورون یوخ
گلمور بئلیم قالخام ایاقه
الدن دوتان یوخ نیسگلیم چوخ
یار وفاداریم ابوالفضل
شایسته سرداریم ابوالفضل
شادلوق ایدور دشمن چالور ال
آت اوینادور میداندا نوفل
گویا قاچانلاردا قیتمیش
خوشدور بویردن ایندی مقتل
یار وفاداریم ابوالفضل
شایسته سرداریم ابوالفضل
#عباسیه
بانوای استاد حاج نادر جوادی اردبیلی