غفلت یوخوسی اِئتمیشم غفلت عجب خواب گران ایلمیشم گلشن عمرومی دنیاده خزان ایلمیشم آپاروبدور منی مدتدی که غفلت یوخوسی آئیلوب گورموشم عالمده زیان ایلمیشم بیر بیله ظلمی او دیوانه ده اِیتموب  اوزینه اوزیمه من ولی بو ظلمی اینان ایلمیشم خواب غفلتده اولان لذته باخ عالمده آلّانوب لذتینه عمری تالان ایلمیشم عاقبت گورموشم آماج غمم عالمده سینه می تیر مصیباته نشان ایلمیشم هامی عقباسینه توشه گوتوروب اما من سنه غفلت یوخوسون تازه بیان ایلمیشم نا امید اولمادوم اما کرم حَقدن من اسم پاکین من اگر ورد زبان ایلمیشم یوخ اَلیندن اوجا بیر اَل اونا جانیم قربان شوقیدن گوز یاشی رخساره روان ایلمیشم قلبیمه حب علی سالدی نَیم یوخدی منیم روز و شب بس که من الغوث و امان ایلمیشم بو آخان گوزیاشیمون بیرده وار آیری سببی یوسف فاطمه هجرینده فغان ایلمیشم کسمیشم بو یولون اوستون او گدالر مثلی گوره هجرینده نجه باغریمی قان ایلمیشم یولچی یول اوستی کَسَر سن منه ایراد ایلمه یولون اوستونده اودور منده مکان ایلمیشم تازه من دوشموشم عالمده گدالیق اِیشینه قوجا روحیّه می بو اِیشده جوان ایلمیشم آچمورام که الیمی هر گَلنه عیب اولسون اوزومی سائل سلطان جهان ایلمیشم شاهلیقا ناز ایدورم ایندی او درویشه مثل شاه شاهانین آدون ورد زبان ایلمیشم گونی گوندن اورکیم وصلینه آیدینلاشیری استغاثه من اوزوندن چون هرآن ایلمیشم بُولسه مژگان اوخی گر قلبیمی معلومیم اولار او اوخا منده دل زاری نشان ایلمیشم سن دئمه عشقیده هر بیر زادی اَلدن ویردون دقت اِیتسن گورسن ترک جهان ایلمیشم https://eitaa.com/kobradsg