🔰یا  مهدی  🔰 عرض بندگی شاعر به حضرت مهدی عجل الله تعالی فرجه شریف سنسیز صفای سیر گلستانی نیلورم حفظ حیات و لذت دنیایی نیلورم ____ من دردِ مهر و اُلفته بی پرده طالبم فیض گدالیقا در دلبرده طالبم یاندیر شرار عشقه منی درده طالبم سن سن صفای جان منه درمانی نیلورم ____ ای مه جمالون عالمه سرمایه طرب نایب مناب عدل علی،  فاطمی نسب ذکر و عبادتیم گوزل آدوندی روز و شب من تاج و تخت  و مُلک سلیمانی نیلورم اهل دله مقدّس اولار نعمت ارزشی وار انتظارِ وصلتوون طاعت ارزشی بیر باخماقوندا واردی یقین جنّت ارزشی حوز و قصور و روضه رضوانی نیلورم _ سندن کناره دوشسه بشر خوار وپست اولار هرکس ئوپه  ترابوی یکتاپَرست اولار ذکر ایلینده آدوی روحیمده مست اولار فیض جمالِ یوسف کنعانی نیلورم اعلادی عشق صحبتی ادنایه ساتمارام فانی قزیل گومش لره سرمایه ساتمارام بیر تار زلفووی ایکی دنیایه ساتمارام دُرّ.یمان و لعلِ بداخشانی نیلورم ____ مجنونوام خوشام که فراقونده آغلیوم کوی وصالوی دولانیم سینه داغلیوم قوی درگهونده بوینما قلّاده باغلیوم شال و قبای ترمه و دیبانی نیلورم نورون یایلدی دهره، دوشوب سکّه دن صنم عشقون داغتدی شیعه دلیندن شرار غم بو مُلک دلده مقدمووه مشتری منم سندن صورا بو کلبه ده مهمانی نیلورم ✍سیف الشعرااستادسیفی اردبیلی                          ✨اَللّهُمَّ عَجِّل لِوَلیِّکَ الفَرَج✨💫 https://eitaa.com/kobradsg