امان از دل زینب فغان از دل زینب غم افلاکه دایاندی حسین قانه بویاندی اولوب غارت حرملر قالان خیمده یاندی چوله قاچدی اوشاقلار الهی نه یاماندی یانور اختر و کوکب امان از دل زینب❤️ خانم با دل مضطر اولوب گولری پر پر سولوب قاسم نالان باتوب قانینه اکبر سو اوسته سو ییرینه ایچیب قاننی اصغر سو سوزدان قورویوب لب امان از دل زینب حسین پیکری عریان اولوب قانینه غلطان ایدیب اتلار ایاقی گوزل جیسمی پریشان گلوب مقتله زینب اولوب دیده سی گریان دیوب نیده بو مکتب امان از دل زینب یتیب نقطه حساس باتوب قانینه عباس یازوب خامه بو دردی ایدیب شعریده وسواس گوروب قولاری تندن دوشوب تپراقا عباس اولوب گوندوزی چون شب امان از دل زینب‌ نه وار یاریله یاور باخور خالق داور دوشوب تپراقا عباس اولوب مرد دلاور دیور گاهی ابالفضل دیور گه علی اکبر قارشمش غمه مطلب امان از دل زینب❤️ کیمین وار غمه تابی چکه رنج و عذابی اولا زلفی یوزونده اونون قانلی نقابی الا قوینونون اتدا سرییله ربابی قان اولدی دل پر تب امان از دل زینب❤️ سولوب رنگی سارارالدی دوزوب درده باج الدی اله بیر گونه دوشدی او بیر گونده قوجالدی وفا یاز بو خانملان لوای دین اوجالدی قوتارماز بیله مطلب امان از دل زینب❤️ وفا https://eitaa.com/kobradsg