زبانحال حضرت رقیه(س)
🍀🍀🍀🍀🍀🍀🍀🍀
آی عمه چک الیوی بیرده توز دوتان تله سن/
ئورکده کی سوزومی سویلیوم سنه بوله سن/
علی اکبریمه نامه یاز گله شامه/
اسنده باد صبا وئر اونامه نی یله سن/
نسیم اونی آپارا کربلاده قارداشیما/
اونیدا دعوت إله بو خرابه منزیله سن/
اونامه ده یاز علی گل ئولور رقیه باجون/
گلنمه سن گوروشه باری دفنیمه گله سن/
سنه بیان ایدیرم آخرین وصیتیمی/
نچه دقیقه توجه إله بو خون دله سن/
گوزوم یول اوسته قالوب شامه اکبریم گلجاخ/
بو آخرین گجه نی عمه یاتما دوز هله سن/
گلنده شامه گرک منزیلیم مرتب اولا/
دور ال دولاندیر ازل توز دوتان منازله سن/
لباسیمون توزونی سیلگینن مرتب إله/
گرامی دوتماقا ور قیزلاریلا ال اله
ئولونجه گلسه منی باشینه تصدق إله/
که باغبان کیمی وئر غنچه نی اودم گوله سن/
زبس که آغلامیسان عمه ساچلارین آغاریب/
دونه بو چرخ فلک بلکه سنده بیر گوله سن/
گلینجه اکبریم ئولسم مزاره قویما هله/
وصاله چاتدیر ازل آل جنازه می اله سن/
دولاندیر اکبریمون باشینه طواف ایله/
یتور بو قلبیده آمالی بیرده حاصله سن/
اوز اللریله دئنن قبریمی منیم قازسون/
مزاره قوی منی غربتده عز و نازیله سن/
بابام مثالی که سندن کفنده ایستمیرم/
بو قاره معجریمی بوک منه کفن إله سن/
ولیک وار سنه بیر خواهشیم که رد إلمه/
پناهیسان هامینون سرپرست قافله سن/
ئوزومده سیلی یری وار قولومدا قمچی یری/
قابار چالوب ال ایاقیم بولورسن عاقله سن/
بو خواهشیمدی علیدن یارامی گیزله ده سن/
ئوزومده سیلی یرون گورسه دوت اونی دیله سن/
ولیک قورخورام عمه گینه اویم یخیلا
منی سن آگه إله اشکون آز ئوزه اله سن/
بودور که قورخوم اونیندا طبقده باشی گله/
جواب ور منی سالما بو قدری نیسگیله سن/
سنه چوخ اولدی اگر زحمتیم حلال ایله /
که کاش اولوم بو گجه بلکه سنده دینجله سن/
قوی اللرون سینمه ئولمگیمده راحت اولا/
چیخینجا جانیم هله ایله حوصله سن/
گجه لر آج یاتوسان دیزده طاقتین یوخدی/
نه نوعی صبر إلیوب دوزموسن مشاکله سن/
قلم دایان داخی بو خوش نوازی یاندیرما/
بوسوزلریله سالورسان عجیبه اود دیله سن/
شاعر خوش نواز مرندی