حسینون نوحه سین دلریش یازاندا مسلمان سهلدیر که کافر آغلار کور اولموش گوزلرین قان دوتدی شمرین که گورسون اوز الینده خنجر آغلار حسینون کوینگی زهرا الینده چکر قیحا قیامت،محشر آغلار آتاندا حرمله اوخ کربلا ده گوریدین دشمن آغلار،لشگر آغلار قوجاغیندا گوریدین ام لیلا آلیب نعش علی اکبر آغلار رباب،نیسگیل دوشنده سود گورنده علی اصغری یاد ایلر آغلار باشیندا کاکل اکبر هاواسی یل آغلار،سونبول آغلار،عنبر آغلار یازاندا آل طه نوحه سین من قلم گوردوم سیزیلدار،دفتر آغلار علیدن،شهریار سن بیر اشاره قوجاقلار قبری،مالک اشتر آغلار