بنام خدا حضرت علی اصغر علیه السلام سبک :زینبم جان اوستیم جانانی گوزلور گوزلریم "" "" "" "" "" "" آغلاما‌ ای اصغرشیرین‌ زبانیم آغلاما غنچه ی ‌نیلوفر باغ ‌جنانیم ‌آغلاما مایه ی آرامشیم آرام جانیم آغلاما یات‌ بالا دردون‌ آلیم‌/من‌سنه‌ لای‌لای‌ چالیم(۲) آغلادون ‌ای‌ اصغریم ‌صبر و‌ قراریم‌ قالمادی من‌ سنه ‌باخدیقجا ‌اوغلوم ‌اختیاریم‌ قالمادی غنچه ی نیلوفریم ‌سولدی‌ بهاریم ‌قالمادی منده‌ عطشانم سنون ‌تک‌ جسم و جانیم ‌آغلاما یات‌ بالا‌ دردون‌ آلیم/من‌سنه‌ لای‌لای‌ چالیم(۲) گلشن ‌عشقیمده ‌اصغر‌آخرین گول ‌سن‌ بالا جان‌ مادر آغلاما بیر‌ دفعه‌ده‌ گول‌ سن ‌بالا گول‌ ربابین ‌قلبی نون ‌غصه ‌توزون‌ سیل‌ سن‌ بالا ساکت ‌اول ‌ای‌ قلبیده ‌تاب ‌و توانیم ‌آغلاما یات‌ بالا‌ دردون‌ آلیم‌/من‌ سنه‌لای‌لای‌ چالیم(۲) ٱل ایاق چالما اوغول سن باغریمی قان ایلمه بوندان آرتیق سن منی زار و پریشان ‌ایلمه گوزلرون قربانی ‌اولام ‌بئیله ‌افغان ایلمه آغلاما ای اصغریم ای دل ستانیم آغلاما یات‌ بالا‌ دردون‌ الیم/من‌ سنه‌لای‌لای‌ چالیم2 اصغریم‌ نیسگیل لرون ‌قلب‌ جهانی داغلایور تشنه‌ قیزلار دم به دم ‌اشکین عذاره‌ باغلایور حال پرسوزانیوه‌ گویده‌‌ ملک‌لر آغلایور ساکت‌ اول ‌بیرلحظه‌ ای غنچه‌ دهانیم ‌آغلاما یات‌ بالا‌ دردون‌ آلیم/من‌ سنه‌لای‌لای‌ چالیم(۲) یول ‌سالوب‌ نهر فراته ‌اول ‌یل هیجا‌ عمون تشنه‌ قیزلار هی ‌باخولار تا‌ گله سقا ‌عمون سن‌ دعا ‌ائیله ‌گله سالم ‌قمر‌ سیما عمون صبرقیل گلسین ‌عمون ‌ای‌ مهربانیم‌ آغلاما یات‌ بالا‌ دردون‌ آلیم/من‌ سنه‌لای‌لای‌ چالیم(۲) "" "" "" "" "" " ✍شاعر : مسلم فرتوت(فاخر)