قسمت دوم از مباحثه امام باقر علیه السلام با راهب مسیحی تقدیم به دلدادگان آل الله ائتدی فرمایش بو معنانی گورَر اَهل یقین هربیر ائوده ذکر اولار آیات قرآنِ مبین یا صحف ذکر اولسا یاتورات و انجیل وزبور هرنه تفسیر اولسالار بیر ذره کم اولماز او نور صوتِ احسن احسن اُل ماوادن عرشه قوزانوب دشمنِ حق الغرص جَهلِ مرکبده یانوب پیر راهب اولدی خوشحال عرض ائدوب عالی جناب بارک الله مرحبا آیری سواله وئر جواب اَهل جنت هر نه میل ایلور گورَر غائط نه بول ذکر ائله دنیاده سن مصداقینی. اولسون قبول بطن مادرده جَنین ایلر بویوردی اِرتزاق بول وغائط سیزدی.ائتمز ئوز آناسین بَدمزاق بعضی لر دوردی ایاقه بعضی شوره گلدیلر جهلدن آزاد اولانلار سمت نوره گلدیلر بعد از اظهارِ محبت قطع اولوب قال و مقال پیر راهب بُهتیله آغاز ائدوب آیری سوال سن جَوانسان عرض ائدوب علمون ولی بی انتها دئ کلیدِ باب جناتی گوموشدور یا طلا ائتدی فرمایش فقط مِفتاحِ جنّاتِ نعیم ذکرِ توحیدِ خدادور ای سخندانِ حکیم ایله دی اَغیاری سرمستِ حقیقت جَّدی تک زرگری علمِ امامتله وُروبدی زَر مَحَک پیر راهب چوخ تعجبله دئدی ای خوش بیان بو سوالی آچ منه باز اولسون اسرارِ نَهان حضرت باقر خطاب ائتدی ایا شیخِ کبیر هر سوال ائتسون بویور!سن سن بو ماءواده مدیر بو سواله عرض ائدوب هیچ کس وئره بیلمز جواب متصل اولسون مگر.آلله اونا ائتسون خطاب ایکی قارداش باهم اولدی باهم ئولدی بیر زمان پیر راهیدی بیری!قالمش بیری یوز ایل جوان پایان قسمت دوم