باسلام. شعر جدید نوحه
#ترکی
زبانحال حضرت علی (ع ) درسرمزار حضرت زهرا سلام الله علیها
نجه ئوز الیمله زهرا سنی من قویوم مزاره
نه واریمدی دیلده طاقت نده واردی الده چاره 2بار
سنی آز زماندا آلدی اجل اوچی سی الیمدن
نجه ال چکوم من ایندی سارالوب صولان گلومدن
نه گولر اوزوم جهاندا نه دوشر آدین دیلیمدن
سنی آلدی دست کینه توکوب اشگیمی عذاره 2بار
منه حضرت پیمبر سنی ویردی چون امانت
سارالیب خزانه دوندی گل گلشن رسالت
آتاوین یانیندا امت منی ایلدی خجالت
اودی قلبیم اود دوتوبدی اورگیم چکور شراره. 2بار
توکلوبدی غم غم اوسته ائویمین صفاسی گئتدی
حسنینین ایندی یارب مه دلرباسی گئتدی
منی یاندیرار فراقین گوزومون ضیاسی گئتدی
غم هجرون ایندی زهرا ئورگیمه ورودی یاره 2بار
نقدر داخی وارام من منی بوشلاماز مصیبت
منی گوردولر آدامسیز ائلدی جفا بو امت
دورا بیلمدیم دفاعه منی آغلادور بو محنت
ئوز ائوینده درد و محنت علینی سالوب حصاره 2بار
ای عزیز جان طاها منیم ای وفالی یاریم
منی قویدون ایندی تنها منیم ای صولان نگاریم
اولاجاقدی تیره. و تار. منیم ایندی روزگاریم
بو فراقین ائتدی زهرا اورگیمی پاره پاره 2بار
منه دست کینه ائتدی بو جهاندا چوخ خیانت
سنه ئوز اویمده زهرا گلوب ائتدیلر جسارت
ویره جک منه تسلی قاپو یاندیران جماعت
ساتا شار یوزوم جهاندا بو جماعته دوباره 2بار
سنه کوچه ده جسارت ائلدی او قوم عدوان
نجه یانمیوم بو درده نجه ائتمیم من افغان
منی کوچه ماجراسی ائده جکدی چوخ ئورک قان
بو فنا جهاندا سنسیز دوشه جک علی فشاره 2بار
منه دوقوز ایل سن اولدون بو جهاندا یارو همدم
سنیدین وفالی زهرا منه هر بلاده محرم
قالاجاق گوزوم دالینجا اولاجاق ئورک پراز غم
نقدر گر عمروم اولسا گئیرم غمینده قاره 2بار
گوزوم اشگینی بو غملر ائلیوب روانه زهرا
گوزون آچ عم اوغلون ایندی غم ائدوب نشانه زهرا
ائلیوبدی دست کینه فدکی بهانه زهرا
چکیلیم مزارین اوستن نجه ایندی من کناره 2بار
اولوب عمرون آز غمین چوخ اولا اف بو روزگاره
سنی درد و غصه یوردی ندیم الده یوخدی چاره
دوزوب هر بلایه یاندین گوندوزون دونوبدی تاره
چمنیم صولوب جفادن ظلمودن اولوب اشاره 2بار
..ملتمس دعا مهدی ملکی