#ولادت_زهرا_س
ولادت زهرا س موارکا بوئه
دنیا چنده امشو رنگ و بو بهیته
عرش و فرشِ خدا عطره بو دپیته
خنهٔ مصطفی چه خَوِره اَمْشو
مگه زهرا بمو سک و سو بهیته
موارک عاشقون
گل. طاها بمو
کولک دی هاکنین
چونکه زهرا بمو
مصطفی ره خدا اتّا ماه هدائه
خنهٔ نبی ره. حق جلا هدائه
کور هاکرده چشِ دشمنون ره اَمْشو
حق وره کوثره با وفا هدائه
موارک عاشقون
گل. طاها بمو
کولک دی هاکنین
چونکه زهرا بمو
بموعه زنان ره اعتبار هدائه
بنده گی هاکرده اقتدار هدائه
حسن و حسین ره بیارده بدنیا
شیعیون ره بی بی شهریار هدائه
موارک عاشقون
گل. طاها بمو
کولک دی هاکنین
چونکه زهرا بمو
مه دل پر کشنه. بوره تا مدینه
ولادت بی بی امْشو اون زمینه
شادی کنده امشو غم ره زنده کنار
هر کی. دل داده ٔ به اون نازنینه
موارک عاشقون
گل. طاها بمو
کولک دی هاکنین
چونکه زهرا بمو
زهرا جان (صفاره ). ته عنایت هاکن
وره روز محشر. ته شفاعت هاکن
تا که شعر بهووه. شمه وشه دنیا
شه سفرهٔ کنار. ته ضیافت هاکن
موارک عاشقون
گل. طاها بمو
کولک دی هاکنین
چونکه زهرا بمو
شاعر حاج قاسم جناتیان قادیکلایی
#گلچین_مولودی_یازینب_س
@goLchinzenab