حال دختر صغیر به رأس امام . ✍️ #زبدةالاشعار ✍️ . 🆔: @nohe_torki . مرحوم ترابی قفقازی . . درد فراقون ای بابا تأثیر ایدوب دله آخر منی گتوردی همان درد دل دله . دلدن دله ز بسکه ایدوب فرقتون اثر بوعرض فرضدور ائدرم من نه ناقله . سندن صورا داغلدی بیزیم اهل سلسله تعیین اولوندی سلسلیه بند سلسله . باغلاندی لیک قول قولا مجموع اهلبیت تبدیل اولوب گروه سلیمان ارامله (1) . ائتدی کسوفه نیزده اول گونکه ، خیزران مثل ذَنَب بو رأسله ایتدی مقابله (۲) . باشون قویوبدی نوک سِنان اوستنه سَنان فوق مقام نقطه ایدوب باء بِسمِله . هرگون جدا بوئی اوجالان گونکیمی باشون ایلوب حساب مغرب و شامی مراحله . چون سوره دی ، صورتون ای مصحف ازل غالبدی نور حق شب ظلمات باطله . بیر باش جدا باشندا نه یول باشلیوب ، باشون باش سیز قویوب یتیمی گیدر سمت منزله . گیرم واریمدی قوم جفادن شکایتیم امّا یوخومدی عمّه لریمدن منیم گله . عمّم قولون قباقه وئروردی ووراندا شمر ایله عتاب ایدردی او بیرحم قاتله . غافل دگولدی بیر زمان حالیمدن اهلبیت اگلشدیروردیله منی همواره محمله . ناگه اوگون گون ایسّی یورقون مکان غریب مستولی اولدی خواب منِ زارِ غافله . بیدار اولان زماندا نگوردوم که شام اولوب شام اهلی کوچ ایدوبله ، گیدوب شامه قافله . من بینوا نوایه گلوب عمه سسلدیم گوردوم جواب گلمدی مهجور سائله . وحشتله سسلدیم که عمو هاردا قالموسان فریاده گل که دوشدی ایشیم ایمدی مشگله . گیتدیم گھی یسار و نشیب و فرازه من قاچدیم گهی یمینیده چوخلی مسافله . مجنون وار سیل سرشگ ایلدیم سبیل تا اگلشیدی لیلی آنام ناقه سی گله . دوشدوم ایاقدن الیمی اولمادی دوتان دریای حیرت ایچره یوخ امّید ساحله . یازدی بیاض عارضه اشگیم بومطلبی آهیم صبا کیمی سنه ائتدی مراسله . گلدی بیر آتلو، گر منی گتدی او ورطه دن یتدیم ولی بو طرزیله قوم قبایله . گل تک ، ایاقیمی ایلدی خار زخمدار اول زخمدن علاوه، اولوب ایمدی، آبله . بو معجریمدی چولقامشام من ایاقیمه نیلوم گمانیم اولمادی بیر اوزگه حایله . آتلو یاننجا قاچمشام از بس برهنه پا تا طیّ اولوب مسافت رهده بو فاصله . وی فوق فرقدان بو ثریّایه قیل نظر (3) گوندر شهاب ثاقبی قوم ارازله . تاپمش سهی قدیم – چوسها خط نیلگون (4) جوزای تازیانه دی اوخشار حمایله . قالسا اسیر اولان بالا، هرگز گیدر آتا؟ ای مهربان بابا اولی هجران ، نه بیر بیله . من یاتمادیم سن اوردا کل أوسته یاتان گیجه ایمدی که تاپموشام گیدوسن اوزگه منزله . معلوم اولان که اینجموسن اهل بیتیدن گویا که یتمسونله بلاد محافله . باشون دایانماسیدی ئولردیم بو چولده من حاشا، مسافرین ایتورور یولدا راحله(5) . سینم اولوب چوشخم «ترابی» خراشیدن تخم محبتون گوگروب گلدی حاصله . (1)ارامل:مردمان بی چیز – مستمند. بی کس (2) ذَنَب:مجرم – گناهکار (3) ستاره ایست از ستارگان قطبی و نزدیکه آن ستاره دیگری است که هر دو را فزندان یا فرقدین میگویند بفارسی هم دو برادر نامیده میشود (4) ستاره ای است ریز و کم نور در دب اصفر (5) مؤنث راحل @palayesh_Iran