۵ اسفند ماه، روز مهندس مبارک 🌹 وئرسه لر اَل اَله مردانه     مهندسلریمیز آرتیرار      رونقِ      ایرانه  مهندسلریمیز علم و صنعتدی بوگؤن کشوری آباد ائلیه ن   علمدی جهلدن   انسانلاری  آزاد    ائلیه ن ملّتی  رونق   تولیدیله      دلشاد   ائلیه ن اَل دوتوب پیس گؤنوموزده بیزه  امداد ائلیه ن اولا جاق  شوقیله جانانه     مهندسلریمیز وئرسه لر  اَل اَله   مردانه      مهندسلریمیز پولونان  مدرک آلانلار گرک اولسونلار  اَلَک بعضی نامردی یئتیردی  پولا بو چرخ  فلک پولونان  اولدی مهندس بیزه ده ویردی کلک قاریشیب بیربیره کیمدور بیله شیطاندی ملک؟ خط چکر فرقه ی شیطانه مهندسلریمیز وئرسه لر ال اله مردانه    مهندسلریمیز دوز  مهندسلریمیز کشوری  آباد  ائده جک ملتین  اؤز بالاسی ملتی دلشاد  ائده جک ایش  دوز  اولسا بیزه الله  اوزو امداد ائده جک بو یازیخ مر دمی غم غصه دن آزاد ائده جک چویرر  کشوری   رضوانه مهندسلریمیز وئرسه لر ال اله مردانه   مهندسلریمیز حیف اولا  پارتی پولو  اولمیان آواره  قالیب هی مهندسدی یا دکتردی کی بیچاره قالیب الی بوشدور ایشی یوخ بختی گؤنو  قاره قالیب باغلانیبدور اؤزونه یوخدو داخی چاره قالیب نیه دویسونلا گرک جانه مهندسلریمیز؟ وئرسه لر ال اله  مردانه  مهندسلریمیز ای (#نجفلو )  نیه خلقین  اؤرگین قان ائدیسن نه گلیبدور سنه اشعاریله  طوفان ائدیسن چوخ مهندسلریده دیده سی گریان ائدیسن هانسی درده دِگوروم شعریله درمان ائدیسن؟ وئره جک  رونقی  ایرانه  مهندسلریمیز وئرسه لر ال اله  مردانه  مهندسلریمیز #نجفلو_مهدی https://telegram.me/mahdinajafloo ‌ ‌‌✅ پرسمان و مطالبه گری کنکاش مسئولین کشوری و شهرستان سراب @poshtibanenglabsarab313