((( من حسینم ))) حسینم من آتام حبل المتیندی ولیّ الله حق ، یعسوب دیندی بونی بیلسین یالانچی مدّعیلر (فقط حیدر امیرالموءمنیندی) الا ای اهل کوفه من حسینم امام مغربینم ، مشرقینم ! منم ، ختم مآبه نور عینم او پیغمبر امیر مسلمیندی فقط حیدر امیر الموءمنیندی طریق عشقیده آزادیم من امام اوغلی، پیمبرزادیم من شهیداولماخلیقا آمادیم من منیم دینیم همان دین مبیندی فقط حیدر امیرالموءمنیندی آتامدور حشریده ساقیّ کوثر آنامدور فاطمه خاتون محشر محمد دور منیم جدیم پیمبر اونون قارداشی جبریل امیندی فقط حیدر امیر الموءمنیندی حسینم خامس آل عبایم آنام زهرا ، سلیل مصطفایم آتام حیدر ، شه کرب و بلایم شهادت بیزلره بالدان شیریندی فقط حیدر امیرالموءمنیندی خیانت ائتدی شورای سقیفه دوزولدی بی تعهدلر ردیفه قوینین حقّینی وئردی ضعیفه بولر بو سرّی هر کس ریز بیندی فقط حیدر امیرالموءمنیندی منی چکدوز گتیردوز کربلایه دوشوب قربانلاریم قانلی منایه خیانت ائیلدوز آل عبایه قیامتده مجازاتوز چتیندی فقط حیدر امیرالموءمنیندی حقیقت اوسته گئچدیم اکبریمدن گول اوزلی آلتی آیلیق اصغریمدن یاغیر حق سوز بو عطشان لبلریمدن شهادت شربتی ماء مَعیندی فقط حیدر امیرالموءمنیندی منی سالدوز آرالی سیز ائلیمدن ابوالفضلی منیم آلدوز الیمدن مشخصدورغمی سینمیش بلیمدن آغیربو غصه دن دونیا غمیندی فقط حیدر امیرالموءمنیندی بو شعری جابری ائتدی تقاضا امور شعر و شور و مدحه دارا ملک پور ائیلدی شوقیله انشا گوزل سوزدی بو جمله آتشیندی ((فقط حیدر امیرالموءمنیندی))