آنانین بیر باخیشی حوریی آسمانه دییر
قاپیدان بیر گلیشی یوسف کنعانه دییر
❤️
اول آللاهدی بیزه سونرا مقدسدی آنا
آنانین منزه لتی مین شاها سلطانه دییر
❤️
وئرمه رم بیر توکونو ملک سلیمان وئره لر
آنانین بیر توکونون ارزیشی رضوانه دییر
❤️
باشوی قوی دیزینین اوستونه گور لذتینی
دیزینین اوستو اونون تخت سلیمانه دییر
❤️
ألوی چک باشیما نا ائله دینجلسین اورک
سنون او یورغین ألون میندنه لقمانه دییر
❤️
قوی اوپوم أل آیاقون قوربان اولوم أللروا
سنون او یورغین ألون یوزدنه جانانه دییر
❤️
یازیرام جاهی جلالون قلم حیرتده قالیر
نه بیلیر کی آنانین عزتی آسمانه دییر
❤️
هر ائوین شمعی فروزانسان ای نازلی آنا
ضرره جک نور جمالون ماه تابانه دییر
❤️
(حسرتم)مختصری یازدیم آنا شوهرتینی
آنانین شوهرتینین ضرره سی عمانه دییر
✍خیری بایقراء کوه(حسرت)
دنیادن گئدن آنالارا رحمت
قالان آنالارا جان سالغی آرزو ائیلیرم
اللروزدان اوپورم عزیز آنالار
🌸 آنالار گونو یوردوموزون بوتون شرفلی آنالارینا موبارک اُولسون
التماس دعا 🙏🙏🙏
@rozehdaftari