💚میلاد حضرت محمد (ص)💚 ✍( کلامی زنجانی) قویدی قدم او گون که دنیایه رسولُ ا... ویردی هامی آفاقه پیرایه رسولُ ا... تا آمنه اول طفلی گوردی ایلدی سجده کامه یتیشوب گَلدی قوم قُرشی وجده یر گوی دیدی خوش گَلدون پیغمبر ذوالمجده عالم باشنا سالدی تا سایه رسولُ ا... آغوشه ابوطالب آلدی او گُلِ نازی نازلی آتاسیز طفلی اولدی عمو دمسازی دنیایه تکان ویردی میلادینون اعجازی وَه لرزه سالوب کاخ کسرایه رسولُ ا... فیض آلدی اَحَد مُلکی حُسن رخ احمددن حیرتده قالوب خورشید اول مویّددن ا... ایوی طور اولدی انوار محمّددن دوندردی او سامانی سینایه رسولُ ا... به به بیله مولوده محبوب دو عالمدی تاجِ سر آدمدی، پیغمبر خاتمدی هم حامل پرچمدی، سردار معظّمدی فرمانده اولوب اهل تفوایه رسولُ ا... رشد ایتدی اول نوباوه دامان محبّتده شهرت تاپوب ایمان و تقوا و امانتده قرخ سنّیده اَگلشدی اورنگِ رسالتده سالدی او گوزل نورین بطحایه رسولُ ا... صد حیف اولا طاهانی بیگانه چوخ اینجیتدی رحلت ایلیوب خلقین قلبین غمی قان ایتدی عترت اولوب آزرده حرمت آرادان گیتدی ایوای دیدی معناده زهرایه رسولُ ا... اهل ستم اولادِ پیغمبری قورخوتدی اود ووردولار زهرانون درگاهی اَلولاندی اوضاعی علی گوردی صبر ایلدی قان اوتدی دلدن یانوب او مظلوم مولایه رسولُ الله #میلاد_حضرت_رسول_اکرم_ص .کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy ✨اَللّهُمَّ عَجِّل لِوَلیِّکَ الفَرَج✨