🥀شعر جدید وصیت حضرت زهرا (س) و گریز به غسل آن حضرت 🥀 بیر گونی فاطمه دلدارینه صحبت ایلدی همسری حیدره کراره وصیت ایلدی قاپی دالیندا منه ظلم فراوان اولدی اولدی محسن بالامیز الله قربان اولدی منه بیر یاره دیوب توختاماسام گیتملیم بیلورم یوخ بو چتین درده دوام گیتملیم منی بو درده سالان قنفوز دیوار اولدی قاپی دالیندا باتان سینمه مسمار اولدی گل اوتور باشیمون اوسته علی من گیتملیم گیتممیشدن سنه من درده دیلیم ایتملیم اولین وصیتم بودی عمل ایله علی کوینک اوستن منه غسل ایله ولی ایکمینجی وصیت قلبیوی گر یاندیراجاق من اولنن صورا حیدر بولیوی سیندیراجاق گوزیوون یاشینی سن خون دیله قاتما علی اغلیوب چوخ اوجالان گوللری اغلاتما علی غسل ایله باخما منیم صورتیمه نیلی اولوب کوچه ده چون هدف سیلی اولوب فاش ایدر اوغولوم حسن کوچه ده نه اولدی منه من یوخام اوندا دیر غصه لی جریانی سنه سوز بله قالسین علی باخ بو نگارین سوزونه قویما غم غصه اوتورسون حسنینون گوزونه زینبون بش یاشی وار باخ سارالان صورتینه ننه سیزلیک چتین اولار شریک اول محنتینه سن منی عفو ایله تز سنگریوی بوشلیورام چاره سیز من اولومی خوشلیورام قبر ایوونه منی اپار اورگون داغلاما چوخ قوی مزاره ایله پنهان علی سن آغلاما چوخ الغرض فاطمه اولدی ولی تک قالدی علی غم ومحنتله عزا شالی باشا سالدی علی وقت او وقت اولدی علی همسرینه غسل ایلیه یوزوی آیداندا گوزل دلبرینه غسل ایلیه الی گلمدی او همسنگرینه غسل ایلیه یعنی طاها بالاسی کوثرینه غسل ایلیه ددی دور یاتما اویان ای اورگی خسته خانم منی دیندیر یارالی شهپری شکسته خانم من نجه غسل ایلیم ای گل طاها بدنون سن من چاره ائله من نجه باغلوم کفنون سینی از قانه باتوبسان یارالی جان یارالی حیدری گوزدن اتوبسان یارالی جان یارالی قاپی دالیندا یانان دور منی دیندیر یارالی قولی پهلوسی سینان دور منی دیندیر یارالی گوزللرون یوما خانم گوزومی گریان ایلمه سسیمه ویر سس اوزون قلبیمی القان ایلمه سنسیز عالمده علی تز قوجالار فاطمه جان دربدر گوش کیمی آواره قالار فاطمه جان وای منه زهرا یانوب اوتدا سنون گیسولرون باخورام قان اغلورام صدمه گوروب پهلولرون دور گل و گلزاره رحم ایله اوزون یافاطمه داغدار قیزلاره رحم ایله اوزون یافاطمه قلبیمه اوت ویراما یاندیرما منی یافاطمه یاره للرونن اوتاندیرما منی یافاطمه سو توکور اسما سنه دیل داغلارام ای وای منه غسل ایدورم جسمیوی قان اغلورام ای وای منه فاطمه سنسیز بوعمری بو جهانی ایستمم دردیمه درمان سنیدون درده درمان ایستمم سنسیز عالم اولدی زندان حیدره ای دلبریم بیر خرابه مثلی ویران حیدره ای دلبریم بو گوزل مطلبه بانی(( شکری ))اولدی طیبی سنده یازدون غم سوزوی گوزونده دولدی طیبی #حضرت_زهرا_سلام_الله کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy