سلطانعلی عبدی: 🏴نوحه زبانحال حضرت زینب(س)🏴 ✍شاعر :علی عبدی ای سینه سی قان دیده سی گریان هارا گئتدین قویدون آنا جان زینبی نالان هارا گتدین ای صاحب کوثر سس وئرمنه مادر آیینه کیمی تز آنا سندین پارالاندین آماج غم آکنده اولوب سن یارالاندین گلدی نه سنه کوچه ده دیواره دایاندین ائتدین فدکین مدرکین عنوان هارا گئتدین 🏴🏴🏴🏴🏴 آهیم اوجالوب گوگلره سندن صورا مادر سندن منه بیر قالدی سنوخ گوشوارا مادر قویدون بیزی آغلار گئجه گئتدین هارا مادر یددی نفریلن گئجه پنهان هارا گئتدین 🏴🏴🏴🏴🏴 سن گئتدین آنا قلبیمی سوز و شرر آلدی قارداشیم حسین قبریوی مندن خبر آلدی باخدیم سارالان چهره سینه دیده تر آلدی ائتدین آنا جان باغریمی اَلقان هارا گئتدین 🏴🏴🏴🏴🏴 سن ساحل آرامشی مندن آنا آلدین زینب قزیوین حالین عجب گونلره سالدین بیر تازه گلودون ولی السّاعه سارالدین گویا یوخوموش بیله گلستان هارا گئتدین 🏴🏴🏴🏴🏴 بیر گون آنا گلسن یوخوما دلده سوزوم وار قورخما آنا یوخدی بو یوخومدا در و دیوار باخسان آنا بیر ئویموزه مسمار سنه آغلار سسلر او یانان سینوه قربان هارا گئتدین 🏴🏴🏴🏴🏴 لایلای دیمیشم هر گجه سینم یورولوب دای گل بیر گجه زینب یرینه چال آنا لایلای گورسن سارالان گللریوی آغلاما هایهای قویما دورا اوللار قوپا طوفان هارا گئتدین 🏴🏴🏴🏴🏴 سنسیز آنا جان تللریمه شانه ویران یوخ یانسا قاپیمیز بیرده بیزیم اوردا دوران یوخ گورسن قوجالوبدی بابام حیدرده توان یوخ هئچ بیلمدیم هاردان گلوب هاردان هارا گئتدین 🏴🏴🏴🏴🏴 کانون بلا اولدی بو دربار امامت حق گرچه بیزیمدی ولی غصب اولدی خلافت دلدن آلوشوب یاندی آنا شاه ولایت قویدون بابامی حال پریشان هارا گئتدین 🏴🏴🏴🏴🏴 بش یاشیده سالدیم باشیما بیر قارا معجر اولدوم حَسنینه آنا جان خواهر و مادر اولّام بابامین غملرینه غم گونی یاور سس وئرمنه ای کوثر قرآن هارا گیتدین #نوحه_شهادت_حضرت_زهرا_سلام_الله #فاطمیه کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy