تکرار اولاجاق (دوقّوزِ دِی) سیزلره بیرده ای فتنه سالان لار آییلون وقتیز آزالدی زنجیرینی شیطان نچه گون بوینوزا سالدی شیطاندی گیریب جیلدیزه یوخ عقلیزی آلدی آز یاره وورون گوللره بو دَشت و دَمَنده آز باعث اولون قان توکوله خاکِ وطندن مین لر یالان اخباری یازیب یوللامیسیز سیز فتنه اودونون شعله سینی قووزامیسیز سیز بیچاره جوانلاری گینه توولامیسیز سیز بو مملکته ضامن آهو کی دایاخدی بو اود اوزوزون ریشه زیده یاندیراجاقدی بیر گون سالیسیز فتنه ی سَبزی بو دیاره چوخ بیگُنَهی یوللامیسیز کُنجِ مزاره قصد ایلمیسوز نقشه ی ایران اولا پاره ؟ سیز فتنه سالون ، رشته ی ایمان کی قیریلماز گوزدن اوزوزی سالمیون ایران کی یخلماز هر گون ایدوری ذاتِ اَحد ، کَشفِ حقایق آزاده اولانلار اولار ایرانیمه عاشق ای داخل و خارجده یاتان ، پَست و منافق آز یاندیروب اود ، دوزَخیزی گَرم ایلیون سیز غَفلت یوخوسوننان اویانون ،شَرم ایلیون سیز حَقّیله سیزین سینه ده، مین کینه لریز وار روباه کیمی سبز و بنفش حیله لریز وار قرخ ایلدی بو ایراندا سیزین فتنه لریز وار قرآنِ مجید حُکمونی اجرا ایدروخ بیز سیز فتنه سالین ، سیزلری رُسوا ایدروخ بیز شَکّ ایله میون خونِ شهیدان ، جوشاجاقدی قانلار یغیشوب بیرگونی باشدان آشاجاقدی قورخون او زماندان ، بو جماعت داشاجاقدی رهبر اوره گین سالساز اگر غُصّیه ، درده تکرار اولاجاق (دوقّوزِ دِی ) سیزلره بیرده ارشاد ایلیوب بیزلری سالارِ شهیدان انسانی شَرافَتدی اِیدن لایقِ جانان جاندان گِچروخ دینه گوره ، ویرمه روق ایمان بِش گون یاشاماخ ، حقّیدن اَل چَکماقا دَگمَز دشمنلره هیچ با شَرف انسان باشین اَگمَز مؤمن آییق اُول ، فتنه ده سن باری کیریخما ثابت قَدم اُول حقّیده ، ناحق یره چیخما بو فتنه لرین آخری روشَندی داریخما هر گون اَلَنوب آیریلاجاق ، حقّیله باطل مُحکم یاپیش اوز دینیوی ، قویما اولا زائل آماده اولون حضرتِ حُجّت گَله جاقدی باطل لر اوگون آغلیه جاق ، حق گوله جاقدی مظلوم اولان اشخاص او گون دینجَله جاقدی بو وَعده ، حقیقتدی ویروب حَیِّ توانا (بیکَسلرین) آخر کَسیدی مَهدیِ زهرا (عج) ۲۸ آبان ۱۴۰۱ الاحقر مهدی عبادی تبریز #۹_دی کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy