🍂احوالات خروج از مدینه زبانحال امام حسین علیه السلام به حضرت زهرا سلام الله علیها🍂 یاتما دور سال یثربه شیون خدا حافظ أنا أیریلور اوغلون بو قبریندن خدا حافظ أنا قبریوه قربان اولوم ای دفن اولان گزلین گیجه أیریلور گور میوه قلبین بو قبریندن نجه سرعت طی مراحل وار اگر قالسام گیجه یول تاپار مقصودینه دشمن خدا حافظ أنا اون ایکی مین نامه دعوت یازوب اهل عراق ظاهرا بو نامه لر دعوتدی باطنده نفاق ایتماقا اتمام حجت دلده وار چوخ اشتیاق گلمیشم سندن ألام رخصت خدا حافظ أنا دعوت حقدور گرک بو دعوتی ایجاب ایدم گلشن دینی طراوتلندیرم شاداب ایدم سو یرینه قانیمی ایثار ایدوب سیراب ایدم سولمیا تا حشر ، بو گلشن خدا حافظ أنا بو سفرده من مقدر دور جدایه باش ویرم عهد و پیمان ایتمیشم قربان اوغول قارداش ویرم سود امر بیر طفلی بزم یاریده شاباش ویرم ایستیوب یاریم بیله مندن خدا حافظ أنا وار یادوندا هر گیجه همدم اولاردیم من سنه نقل ایدردون اوندا سن بعضی حکایتلر منه زینبی أگاه قیلام قصه پیراهنه ایسترم بیر کهنه پیراهن خدا حافظ أنا سن منیله عهد و پیمان ایتموسن روز ازل گلمیشم دل وا پس اولما عهدیوه ایله عمل کربلا صحراسینه سن روز عاشوراده گل ایلینده عترتیم شیون خدا حافظ أنا کربلاده پیکریم باشسیز دوشنده مقتله هم اوزون رنجه قدم قیل گل ، آتامدا دی گله باشیمی خولی تنورینده تاپوب قانین سیله جای راز دلدی اول مسکن خدا حافظ أنا سن أنا آگاهسن احکام دین و مذهبه مکتبینده ویرموسن درس شهامت زینبه وار منیله شرکتی واقف اولوب هر مطلبه خاطرین قیل بو سوزه ایمن خدا حافظ أنا مفصدیم هر چند اول کعبه دور سعی و صفا قسمت اولماز عید اضحی ده منه ذبح منا شوقیله تشکیل ویرم بیر منای کربلا فخر ایدم جدیم خلیله من خدا حافظ أنا کربلا أدی گلنده کربلا یاده گلور اشک چشمیله دولور گوز جامی دل داده گلور گوره سن اشکی او گونلر بیرده دنیایه گلور قبر پاکینده ایداق شیون خدا حافظ أنا ✍منکلام:مرحوم استاد اشکی تبریزی #خروج_از_مدینه ‌ ‌ لینک کانال👇 http://eitaa.com/torkiy ---•••◇🔹️💢🔹️◇•••--- @torkiy