🏴زبانحال حضرت فاطمه زهرا(س)به مناسبت وفات مادرش حضرت خدیجه کبری(س) آچ اوشهلاگوزیوی ایلمه گریان آی آنا منی گل ائتمه گیلن زاروپریشان آی آنا بیربئله حسرتیوه ای آنا یاندیرمامنی نازیمی من یانورام چکموسن هرآن آی آنا گوزدن آتمامنی سن حسرتون هرآن چکرم فانی دنیانی منه ایلمه زندان آی آنا یاندیروب محنتیوه گوزیاشیمی ائتمه روان اوگوزل گوزلریوه جان اولا قربان آی آنا هرقدرسسله میشم سنده منه جان دئموسن راضییم تسلیم ائدوم سنله بوگون جان آی آنا سن یتیمه ائلدون خورداجاوقتیمه منی نقدرعمریم اولا ایلرم افغان آی آنا آیریلوخ اولدی چتین یاندی ئورک محنتیوه گئجه لر گل یوخوما اول منه مهمان آی آنا بوگونی فاطمه نون گئتدی الیندن آناسی باشینه قاره سالوب سسلدی جان جان آی آنا آناوای ناله سسی گویلره اوج ائتدی اونون دئدی گوزیاشیمی گل ایلمه نیسان آی آنا ای آنا منده داخی آیریلیقا یوخدی توان ائلمه حسرتیوه سینه سی سوزان آی آنا وای جانین، مالین ائدن هدیه اسلام آناجان آتامی تک قویوسان حامی قرآن آی آنا دین اسلامه سن اوّل گتوروبسن ایمان آچ گوزل گوزلریوی معدن ایمان آی آنا قویماسن تک آتامی دشمن ایچینده داخی سن چوخ شمادت ائلیوب دشمن نادان آناجان بیزی ترک ائتدون آنا دارفنادن گئدوسن منزلون ایلویوسن روضه رضوان آی انا آی آنا آچ قولوی بیرمنی آغوشیوه آل گویلومی آل ائلمه قلبیمی سن قان آی آنا حسرتینده یانورام چوخلی مصیبت چکرم قول سینارباش آغارارقداولی چوگان آی آنا محسنینم سقط اولونارسینمی مسماریارار اودایچینده ووراجاق فرقه ی نادان آی آنا صاحبا یازماداخی فاطمه نون محنتینی فاطمیله دئگیلن وای گول خندان آی آنا ✍حاج عباسعلی دهقان(صاحب) ارومیه #وفات_حضرت_خدیجه_سلام_الله_علیها