ولادت امام هادی علیه السلام و اشاره به زیارت غدیریه آن حضرت در زوز عید غدیر و گریز به مدح حضرت امیرالمومنین علیه السلام السلام ای سَروِ گُلزارِ بَتول السلام ای هادیِ دینِ رسول السلام ای دُوّمین اِبنُ الرضا السلام ای عالَمه حُسنُ القَضا السلام ای حُجّتِ رویِ زمین شاهکارِ دستِ رَبُّ العالَمین السلام ای عاشِرِ اِثنا عَشَر ای بَشر ، کَیفَ بَشَر ،کَیفَ بَشَر ای یوزی آیینه ی مَنشورِ حق ساطع اولدی گول یوزوندن ،نورِ حق گول جَمالون نَقش ایدیب خَلق آفرین نَقش ایدنده سَسلدی صد آفرین اون ایکی معصومی یغدی بیر یِره سَنده گورسَتدی خدا ، عالَم لره مامِ دلبَندون سَمانه با وقار هاشمی خاله جمالوندا باخار شَمعِ رویون تا اولوبدی مُنجَلی افتخاریله آدون اولدی علی ای جواد اوغلی ، اولوب شُغلون سَخا لُطفووه ، احسانیوه ، جانیم فدا رُشده یِتدون عزّتیله بی گمان تا آتان جان ویردی اولدون باغریقان سَگّیزه سیننون یِتیشدی لاکَلام کائناتین اَهلینه اولدون امام یِدّی ایلده یَثربه ویردون صفا روز وشب گوردون ولی سایسیز جفا اون بِشه عمرون یتنده مُعتَصَم قلبیوه چَکدی دوباره تازه غَم نامه یازدی والیِ یثرب سنی ایله سین تبعید عراقه اُول دَنی تا وَطندن آیریلوب دوشدون یولا هجرِ اَحبابه اولوبسان مُبتلا دوزدی قلبون غُصّیه اولدی هَدف زائر اولدون ، زائرِ شاهِ نَجف محضرِ شَهده دایانمیشدی هامی روز عیدیدی ولایت بایرامی بیر زیارتنامه ایراد ایتموسن قلبِ زهرانی اوگون شاد ایتموسن جلوه لَنسین پَرتُوِ سلطانِ عشق یِتمیش آیه ایتموسن عنوان عشق آیه لرده سن نشان ویردون بَلی بعدِ پیغَمبر امام اولدی علی ع خَلقه آندیردون حدیثِ مصطفی گورموشم اون سَگّیزین من جابَجا خلق بولسون اَمرِ خالقدی همین بیر فقط حیدردی میرِ مؤمنین گرچه مولودوندی فکریم چوخ گَزیر وار قاباقدا عیدِ عُظمای غدیر ایستیریم سندن مدد ای مُقتدا دامنوزدن دوتماقا روزِ جَزا بیر نچه جمله یازام مدحِ ولی حشریده باخسین بیزه مولا علی کیم دیسه حیدر اونا ،طاها باخار کیم علیدن دَم وورا ، زهرا باخار مدحِ مولایه دیلیمده یوخ توان لطف ایدر امّا امامِ اِنس و جان وصفِ حیدر وار کلامُ اللهیده سوره ی رَعدی گَتیررم شاهده حیدری نَفسِ پِیَمبر یازدیلار چوخلاری راهِ علیدن آزدیلار شیعیانین عزّتی حیدرده دی دشمنِ مولا یقیناً بَرده دی کیم اوزون سالسا ولایت شَهرینه توش اولا هیهات ، دوزَخ قَهرینه عاشقِ مولایه وار بِیله خطاب عالَمِ ذَرده اولوبسان انتخاب نُطفه سی پاک اولمیین کَسلر تمام عاشقِ حیدر اولانماز والسلام عشقِ مولانی جهانه ویرمه روخ شکر اولا بیزده مُحبِّ حیدروخ کیم مُریدِ حیدر اولسا دَهریده فاطمه اِیلر شفاعت حَشریده عشقینه قلبیم اولوب چوخدان هَدف تذکره م تز تز اولار خاکِ نجف ظاهراً (بیکَسدی) احبابِون ولی سن امامیمسان ، امامیمسان علی امام هادی علیه السلام در روز عید غدیر در کنار مضجع شریف امیرالمومنین علیه السلام زیارتنامه ای ایراد کرده اند که از گنجینه های شیعیان است این زیارتنامه حاوی ۷۸ آیه از قرآن عظیم در مورد حضرت امیرالمومنین علیه السلام و ۱۸ حدیث نَبوی در مورد فضایل آن حضرت میباشد این زیارتنامه یکی از معتبرترین زیارتنامه های موجود است که در سلسله ی رُوات آن دو امام معصوم و دو نایب خاص امام زمان عج و بسیاری از علمای بینظیر و کم نظیر شیعه وجود دارند این چند خطِ سراپا نقص فقط به امید شفاعت حضرات معصومین نوشته شد بخاطر نواقص و ایرادات موجود از همه ی عزیزان طلب گذشت و اغماض دارم. الاحقر مهدی عبادی التماس دعای فرج #ولادت_امام_هادی_علیه_السلام #عید_غدیر_خم