🏴 جوشی ورود به ماه محرم 🏴 نوای شور و ماتمدور گلور هر کوی و بَرزَندَن بو نَه اَعظَم مصیبتدور قرار و صبر آلور تَندَن عزای شاه دین - بو گوندن باشلانار او قانلی گوینگی - سَمادن آسلانار اَیا یاران مُحرّمدور حسینه آسمان آغلار گِیوب رَخت عزا عرش مُعَلّا انس وجان آغلار نَنَه سی حضرت زهرا حسینه باغریقان آغلار حسینیموای سسی عَرشه اوجالمیش سَندَن ومَندن عزای شاه دین - بو گوندن باشلانار او قانلی کوینگی - سَمادن آسلانار الهی بو نَه ماتمدور گدا و شاهی آغلاتدی جهانی طاقِ میناده هلالی ماهی آغلاتدی گهی حیرتده مَخلوقی قویوبدور گاهی آغلاتدی دیورسن ناله دور قالخور تماماً دشت و دامَندن عزای شاه دین - بو گوندن باشلانار او قانلی کوینگی - سَمادن آسلانار نوای یاحسین دیلده عزا پرچملری الده مُفَصَّل سن قِیاس ایله بوعَرض حالی مُجمَلده جوانلار دسته بدسته قوجالار خط اَوّلده وَسَطده دسته باشی سس آلار هی مندن وسندن عزای شاه دین - بو گوندن باشلانار او قانلی کوینگی - سَمادن آسلانار کیمون وارمطلبی گلسون بوبَزم شاه عطشانه نهان دردی اولانلار که نیازی واردی درمانه دِئسون دردین ابالفضله همان سَقّای طفلانه نجه (نادر) دِئدی آلدی نتایج باب ایمَندن عزای شاه دین - بو گوندن باشلانار او قانلی کوینگی - سَمادن آسلانار 🌴🌴🌴🌴🌴🌴🌴🌴 #ورود_محرم #محرم1402 لینک کانال👇 http://eitaa.com/torkiy ---•••◇🔹️💢🔹️◇•••--- @torkiy