بنام خدا نوحه سینه زنی و زنجیر زنی آخرین وداع امام حسین ع ###### خیمه گاهی ترک ایلورم بو دم الوداع باجی زینب الوداع سینمه سالوب اوت شرار غم الوداع باجی زینب الوداع رزمه یولّانان لحظه اکبریم یولّاری اونا باغلادون باجی اوپدون اکبرین گول جمالینی چوخ منیله سن آغلادون باجی دردوی دئدون سن او دلبره قلب عالمی داغلادون باجی گلمیشم سنیلن وداع ائدم الوداع باجی زینب الوداع باشوه دولّانام باجی سنون بو بلالی صحراده هر زمان اصغرین غمی یاندیروب منی قاسم. ایلیوب قدیمی کمان دور حسینوی سال یولا باجی قتلگهده گوزلور اونی سَنان نچه لحظه منله اول هم قدم الوداع باجی زینب . الوداع گوندرنده عباسی عرصیه با هم اولموشوق هم نوا باجی قتلگاهه تنها گئدور حسین ایله سن حسینی دعا باجی اوپگیلن حسینون بوغازینی اولگیلان حسین دن رضا باجی دای سنی بو دنیاده گورمرم الوداع باجی زینب الوداع آیریلور حسینون رقیه دن حسرتیله ای مهربان باجی قویما چوخ فراقیمده آغلاسین اولماسین قیزیم باغریقان باجی ناقه اوسته شامه گئدن زمان قویما چوخ وورا ساربان باجی نیزده باخوب من دوزنمیرم الوداع باجی زینب الوداع غم یئمزدیم اولسا یدی خیمه ده گر سلامت عباسیم آی باجی عترتیمدن ایلردی هر زمان چون حمایت عباسیم آی باجی نوش ائدوبدی شهد شهادتی با شهامت عباسیم آی باجی سنده دی او قانه باتان علم الوداع باجی زینب الوداع امر حقدی میدانه من گئدم گوزلور اوردا زهرا آنام باجی ایلیور نوازش وزیریمی آغلیور دیور وای بالام باجی قولاری دوشوب مشکی اوخلانوب قارداشیم اولور تشنه کام باجی آخرین فدا دینیمه منم الوداع باجی زینب الوداع سیل اشکی فاخر روان ائدیب یانه یانه یازدی بو نوحه نی آخرین وداع حسینی دن یازدی داغلادی غملی سینه نی آیریلاندا اخیامیدن حسین باشه سالدی زینب بو نغمه نی منه هی باخوب دئمه دم به دم الوداع باجی زینب الوداع "التماس دعا" "کربلایی مسلم فرتوت" #محرم1402 #عاشورا #وداع