🍂نوحه _تنور _خولی 🍂 قوناقم کوفه ده حرمت یوخومدی کول اوسته یاتماقا عادت یوخومدی کول اولموش بالیشیم مطبخ سراده سلیمان کاخینه منّت یوخومدی منی خولی چکوب مطبخ سرایه ننم زهرا گرک گلسون عزایه تنوره گلمسه هیچ عیبی یوخدو گئدوب باش وورسو بیر کربوبلایه منیم بو گئتمگه فرصت یوخومدی ننه زهرا اولوب غربت مکانیم منیم مطبخ سرادور آشیانیم باشمدان قان آخوب خاکستراوسته منیم گودال ایچینده چیخدی جانیم او گودال ایچره بیر خلعت یوخومدی منه خولی شرف سیز میزباندی ننه تعجیل ایله حالم یاماندی باشیم سر نیزه ده یوللالا شامه او یولدا کاروانه پاسباندی بو یولدا هیچ کیمه زحمت یوخومدی منیم مُلکیم دیا ر نینوادی بو مطبخ دوره سی ماتم سرادی گلر سارا ، گلر حوا و مریم دیلّلر فاطمه صاحب عزادی چاقور حیدر گله طاقت یوخومدی خدا داوودی خلق ائتدی زبوره گئدوب موسی ابن عمران کوه طوره منیمده باشیمین وار ماجراسی گلوبدی کوفه ده مهمان تنوره بلالی باشدا امنیت یوخومدی #(سعیدی )یازدی بو باش ماجراسین اِیدوب دعوت عزایه اقرابا سین خانم زینب اگر گلسه عزایه گلر اهل کسا ء و آل یاسین قوناقم کوفه ده حرمت یوخومدی ✍ (سعیدی )_اشعار -آئینی سعیدی پویا #محرم1402 #شام_غریبان #تنور_خولی