یاصاحب الزمان
اورگیم ایستیری بیر گون گئله جانانی گورم
اوتوروب گوز قاباقیندا او گئلن جانی گورم.
باش اولا آیریلیقین دردی اورکلرده بوتون
گون چیخن یولدا اوجا قامت رعنانی گورم
یاز قلم شیعه لرین گوزلری چؤخ یولدا قالوب
یئری وار قورتارا محنت گل طاهانی گورم
غصالاردا یورولوبدور داهی بیزدن اوتانیر
نه اولور بیرده اورکدن گولن ایرانی گورم
گورورم هرکسی بیرجور غم ایچینده یانیری
ایستیرم بیرده بویوک شأنیده انسانی گورم
گوزلریم یولدا قالوبدور گئجه-گوندوز داریخیر
جانی تاپشیررام اگر صاحب دنیانی گورم
✍عباس_قاسملو_خرم
✨اَللّهُمَّ عَجِّل لِوَلیِّکَ الفَرَج✨