بنام خدا عرض ادب به ساحت مقدس امام حسین ع مناسب برای مقدمه خوانی و اول مجلس . **** جانیوه جانیم فدا دارو نداریم سان حسین افتخاریم عزتیم شأن و وقاریم سان حسین درگهونده بیر غلام روسیاهم سیّدی هر زماندا سن منیم دیلده شعاریم سان حسین کنج دلده یازموشام یا لیتنا کنا معک بعد خالق یاوریم یاریم نگاریم سان حسین بزم عشقون باشدی مولا بزم جنت دن منه سن بهشتیم جنتیم باغ و بهاریم سان حسین مرغ طبعیم سایهٔ لطفوندا پرواز ایلیور شاه راهیم شهپریم سن‌شهریاریم سان حسین عشقوون بیر لحظه سین کل جهانه وئرمرم اعتباریم اقتداریم غمگساریم سان حسین حک اولوب زیبا آدوون. قلبیمده یابن المرتضی دلستانیم دلبریم صبر و قراریم سان حسین ای نگین آفرینش ای شه کون مکان مهر و ماهیم شمع راهیم ‌افتخاریم سان حسین فاخرم یا پور حیدر پیرو «فرتوت» اولموشام قوّت‌ قلبیم جانیم لیل و نهاریم سان حسین پورحیدر سسلورم امداده یا مولا سنی دادخواهیم دولتیم شعریم شعاریم سان حسین دردیمی شرح ایله رم عالمده مولا محرمه فریادیم فریاد رسیم داد و هواریم سان حسین ✍ مسلم فرتوت فاخر #اعیاد_شعبانیه #سوم_شعبان #ولادت_امام_حسین_علیه_السلام